بريطانيا تجري تجربه عمليه لسياره تسير بسرعه 1600 كم في الساعه مش هزار علي فكره

[avokato]

اخرك كام و انت ساحب بعربيتك ؟ km 120 ؟ 160 ؟ 1600 ? هه ؟! ايه اللي جاب 1600 في النص ؟
.
.
.
.
.

.
.
.
1600 km لا انا واخد بالي بكتب ايه مش غلطة كتابة
دي سرعة Bloodhound SSC هه ؟! : الصورة :- D http://goo.gl/GCJlup

خير ؟ دي العربية اللي بينتجوها ف بريطانيا اسرع من الصوت
لان الصوت سرعته 1224 كم ف الساعة اما دي فسرعتها 1600 كم ف الساعة !!
تعالى بقى كده نعرف العربية دي عن قرب
العربية هيبقى الهيكل الخارجي من سبيكة الالومنيوم ! و كذلك طارات العجل برضو من سبيكة الومنيوم عشان قوي و خفيف الوزن طبعا بس مع انه قوي بس هما برضو عايزين يحسنوه اكتر لان انت عشان تعمل العربية دي هتبقى اسرع حاجة بتمشي على الارض و بالتالي العجل ده عارف عشان العربية توصل للسرعة القصوى العجل ده هيلف قد ايه ؟
هيلف 170 لفة ف الثانية يعني 10200 لفة ف الدقيقة !! يعني بيبقى كمية اجهاد رهيييييبة على الاطارات دي
العجلات هتحتك بأرضية البحيرة اللي هتمشي عليها العربية في اختبار السرعة،و ده ممكن يتسبب في حدوث ضرر لا مفر منه بس لازم يختاروا سبيكة تمنع حدوث اي تشققات قد تؤدي في النهاية الى تدمير الاطارات خصوصا عند محاولة الوصول لاقصى سرعة، و طبعا عملوا بحوث علمية كتير لدراسة تأثير حبيبات الحصى الصغيرة على عينات من سبائك معدنية مختلفة في مختبر كافيدنيش في جامعة كامبردج

نيجي بقى للكبير (ألموتور)
انا قولت موتور ؟ مفرد ؟ لا انا قصدي مثنى موتورين
اه زمبؤلك كده واحد منهم محرك طائرة نفاثة من طراز EJ200 !! و موتور تاني صاروخي معروف باسم صاروخ الصقر من انتاج Eurofighter Typhoon الحربية يقدر ينتج قوة دفع تصل إلى 9 اطنان !! و دي صورته http://goo.gl/Lwk6KF
و المحركين مش مع بعض طبعا بس ممكن التبديل منهم عادي زي ما عملو ف التجربة اللي من جولتين ركبوا الصاروخي بدل بتاع الطيارة ف الجولة التانية
المضمار طوله 20 كم بس مش اي مضمار ده لازم يبقى نضيييييف جدا مفهوش و لا زلطة صغيرة عشان لو العربية داست ع الزلطة دي بسرعة 1600 km العجل هيتدمر بكل معنى الكلمة و كده باي باي المشروع و باي باي العربية و باي باي السواق الغلبان عشان كده في 300 شخص بينضفو المضمار من اي حاجة مش مرغوبة و طبعا قبل ما العربية دي تعمل كان اقصى حاجة وصلت ليها عربية هي 1228 km
و دي كانت عريبة اسمها supersonic و دي خلاص راحت عليها
فيديو للعربية ام 1600 km :-

YouTube

YouTube

YouTube

YouTube

و ده موقع الشركة :- http://www.bloodhoundssc.com/

احنا الحمد لله بننتج ال fiat 128
شويه تطويل فيها وتظبيط طرق سفر هتوصل اي مكان هوا لو رايح من مصر لاسكندريه يدوب تدوس بنزين مرتين مثلا ولا حاجه