إهداء الى الأستاذ/ عمرو ناصر

[memocco]

ألأستاذ عمرو ناصر تحية طيبة و بعد ...
كنت حضرتك طلبت منى ان اجمع لك معلومات عن البندقية الخرطوش البراونينج التى تمتلكها حضرتك و هى Browning A5 semiauto 12 GA .
مقدمة عامة عن تاريخ هذة البندقية :
هذة البندقية اول بندقية تم صنعها كبندقية شبة اوتوماتيك . و قد قام بتصميم هذا الموديل المصمم جون براونينج John Browning سنة 1898. و قد تم الاعتراف بها من جهة الدولة الأمريكية سنة 1900 و تم نسبة براءة الاختراع لصاحبها فى هذا العام . و قد تم تصنيع هذا الموديل على مدار مائة عام على التوالى الى ان توقف انتاجها سنة 1998 .و يوجد منها انواع تحمل اعيرة مختلفة مثل 12GA,16GA,20GA و الخزنة بتاعتها بتشيل خمس طلقات خرطوش .و دى صور ليها اتمنى انها تكون هى:


و على فكرة الموديل دة صحيح هو براونينج بس بعد كدة صاحب التصميم و هو جون براونينج باع التصميم لشركة ريمينجتون او FN firearms هما الاسمين لنفس الشركة على فكرةو دة كان سنة 1905 . و اعتقد ان السيريال بتاع البندقية بتاعتك ممكن يكون منحصر فى الارقام دى 10,000 – 794,990
وكان عدد القطع المصنعة منها 850,000 منها 65,000 قبل ما ينتقل الاسم الى ريمينجتون قبل الحرب العالمية الثانية
اما بالنسبة للمميزيات و العيوب فأعتقد انها نادرة جدا انك تلاقى ليها عيوب إلا عيوب الاستخدام و المداومة على النظافة و نصيحة انت معاك بندقية عبارة عن تحفة فنية اوعى تفرط فيها حتى لو اتزنقت فى الفلوس ....إلا طبعا لو عاوز تبيعها لية ههههههههههههه
و سعر البندقية دى برة مصر حاليا هو 7200 الى 7500 جنية مصرى اما طبعا فى بلدنا العزيزة فممكن يوصل سعرها الى 60 الى 70 الف و دة على اعتبار ان اللى بيشتريها عارف قيمتها طبعا و انة بيشترى تحفة فنية للإقتناء