مواقف وطرائف الصيد

[well12m]

امبارح كنت فى طلعه كدة بسيطه جانب البيت فى ارض زراعيه المهم وان بصطاد فى شجر اليمام بيبيت فيه فا انا بنزل على الساعه تقريبا 4ونص لحد المغرب واستناة تحت الشجر لما يجي يبيت المهم وانا منتظر تحت الشجر مستخبى طبعا لان اليمام دة جبان اوى بيخاف من اى بنى ادم شافو على بعد 30 متر يطير ما يقفش فى مكانه المهم وانا واقف جو الشجر جالى تليفون وانا على طول بكون معمر البندقيه لانها لو جه اليمام وعلى ما اعمر هيسحو بالحركه فيطير فا بخلى البندقيه معمرة الهم جالى التليفون وانا بتكلم جت يمامه وقفت على الشجر وكانت واضحه جدا ومش عارف اقفل التليفون عشان تليفون شغل اعمل اعمل ايه قمت رافع البندقيه بدراع واحد كل دة وانا بتكلم ورحت منشن عليها والحمد لله اصابتها ونزلت كل دة وانا بتكلم روحت مطلع الموس ودابح بردو وانا بتكلم وشيلتها فى الشنطه وبعد كدة خلصت تليفون وكنت خلص معاها الصيد والدبح كلو فى وقت واحد
الحاجه التانيه كان المغرب قرب يأذن شوفت فرد يمام واقف على الشجر بعيد شويه عن منا واقف فى الاول اعتقد انه جزع شجرة ومش عايز اقرب ليطير ضربت عليه مرة لم تصيب وفضل واقف قولت اكيد دة جزع شجرة مهو استحاله هتتضرب عليه فرد يمام وميجيش فيه ويفضل واقف المهم فضلت ادقق النظر لان النهار تقريبا راح قولت اضرب تانى عليه ضربت عليه لاقيتها نزلت من على الشجرة والاصابه كانت فى الجناح
الحاجه الثالثه الغريبه ضربت فرد يمام الاصابه كانت فى الرأس من فوق تقريبا نص الرأس طارت والفرد نزل صاحى ؟؟؟؟؟؟ازاى مش عارف
كل دة طبعا بالمارفيك الجبارة