لكل إلى بيحقدوا على أسكندريه فين المحلات الرخيصة فيكى يا بلد ؟

[Zero]

بسم الله الرحمن الرحيم
السلام عليكم و رحمة الله و بركاتة


أنا بيغيظنى اوى حوار أن ناس تقول أسكندريه السلاح فيها متوافر أوى و كمان دلوقتى بقى موجود فى أى كشك سجاير دا أنت ممكن تشترى علبه أل أم أو فايسروى و تلاقى سلاح جوة علبه السجاير أو تكون ماشى تخبط فى السلالم بتاعة البيت تلاقى أر بى جى تحتك مثلا أو تلاقى شوال مسدسات ولا حاجة و قبل كدة واحد قال هنا فى المنتدى أن بتاع الفريسكا على البحر لو قولتلك عايز أحلى سلاح بـ500 جنيه و الكلام إلى ميدخلش ودن عشان يعدى على عقل البنى أدم دة طيب يا جماعة أنا مش من المكسيك يعنى أنا من أسكندريه و على فكرة صحابى إلى ليهم فى السلاح لأن أنا برضة معلوماتى على أدى بيقولولى ان الأسعار هنا زيها زى القاهره و فيه أستغلال كمان للى مبيعرفش فى الليلة دى يعنى ممكن لو أنت مش خبره يتضحك عليك أوى أوى أوى طيب ليه بتقولوا على أسكندريه السلاح فيها رخيص و أنه بييجى من المينا طيب ماهى بورسعيد منطقة حره ليه أسكندريه مش منطقة حره زيها دا أحنا كنا أتلعلطنا و الحياة بقيت معانا أحلى من الجلاش بالأخص فى العربيات و الكلام دة لكن يظهر كدة والله أعلم أن الشيخ البعيد سره باتع حتى أنا لما فكرت فى السلاح قولت أكيد لازم لما أفكر أجيب و ربنا يكرمنى بقرشين كدة هروح القاهره أجيب أة أصل هناك أكيد هيبقى أرخص و أحلى كأنه يعنى هيحطلى فيه مايونيز ولا أجى أضرب طلقة يطلعلى ساندويتش روزبيف مثلا فيا جماعة أرضوا ببلدكم و أحنا نرضى ببلدنا و المحلات كلها والله أسعارها واحد و مع أحترامى للجميع يعنى الأستغلال جاى من المستوردين لأن أحلى تجارة تكسبك تجارة السلاح حتى لو كان سلاح أيرسوفت AirSoft بتاع الألعاب دة سعره بره ميعديش الـ10 دولار إلى 50 دولار مهما كانت خامته و طبعا الجمارك و الضرايب شغالين الله ينور على الهبر و الهبش زى موضوع السيارات كدة بالظبط فإن شاء الله حال المستوردين يتصلح و حال الجمارك و الضرايب يتصلح و حال المحلات عندنا يتصلح و يبقى فيه رقابة أكبر من كدة على الأسعار و تتوحد كلها لأن الدنيا ماشيه سبهلله لأن معظم الشعب مش فاهم ولا عايز يفهم حقه و أية إلى ليه وإلى عليه لأن بصراحه حوار الجمارك والضرايب دة أستفزاز أصله معندناش منتج محلى يتحمى فالتعريفه الجمركيه و الضرايب بتحمى أية ؟ ولا هوا نفعنى وأنفعك و شخلعنى و أشخلعك ولا أية النظام طيب حد يقولى أية النظام ؟

و فى النهايه مش عايز اطول عليكم لأنى عارف أنى خنقتكم و هاخدلى طلقتين فى وشى دلوقتى