خبر بمليون جنية .. بخصوص الصواعق

[الصقر المصرى]

بعيدا عن ان القانون مخلاش حاجه للمصريين يدافعوا بيها عن نفسهم حتى الكتر اتجدول واللى ناقص عصيان المقشه وطاسات القلى اللى كنا بنشوف ستات البيوت بتمسكها فى الافلام زمان
وبعيدا عن ان المشرع اللى شرع القوانين دى كان بيتعامل مع المصريين على انهم شويه عيال واطفال صغار سذج لو لعبوا بالنار هيتعوروا بيها واللى المفروض الكلام ده كله يتغير بعد الثوره اللى قامت فى اول اهدافها هو كرامه المصرى واقصد بكلامى من الالكتريك للسلاح الحى
القانون قانون بس اللى فى الكتب حاجه والواقع حاجه تانيه خالص ودى المصيبه الاكبر
الالكتريك ممنوع بنص يعنى من الاخر اللى ناويلك على نيه هيلاقيلك غلطه يمسكها عليك بس العادى لو الظابط محترم مش راجل عنده نقص انه هيكبر دماغه ويتوسم فيك الخير خاصه ان الالكتريك فعلا حاجه تافهه خاصه الانواع اللى موجوده وكلها صينى والفولت اللى مكتوب عليها كدب فى كدب مستحيل ياذى بل اشك انه حتى ممكن يفقد الوعى هو بس حاجه تخوف العبيط وخلاص
يعنى النص بيقول انه ممنوع بس التطبيق حاجه تانيه خاصه ان اللى عاوز يدافع عن نفسه اكيد مش هيتمنظر بالحاجه دى يعنى بلاش تستفز الظابط بانك تبقى ماشى تلعب بيه او معلقه فى حزامك زى الموبايل زمان مكانه جيبك او عربيتك ولو البنات يبقى فى الشنطه وميطلعش الا فى حالتين لا قدر الله لو محتاج تستخدمه او محتاج تشحنه غير كده فتنسى انه موجود وربنا يكفينا ويكفيكم شر السلاح ايا كان نوعه
خالص تحياتى،،،