تعلم كيف تصنع سكوب(طريقة سهلة)

[Gamohunter]

السلام عليكم
ده تليسكوب فلكى ولا يصلح لبنادق الصيد للاسباب الاتيه
1---طول التليسكوب ده هايكون 37 بوصه يعنى حوالى 70 سم يعنى مش هتعرف تركبه على اى بندقيه ---طول التليسكوب هوه مجموع البعد البؤرى للشيئيه مضافا اليه البعد البؤرى للعينيه
2---تكبير التليسكوب ده 36 مره و واى اهتزاز هيعمل تشويش شديد فى الصوره وما ينفعش الا اذا
كتن ثابت جدا على حامل متين عشان تعرف تشوف بتكبير زى كده----- واعلى درجه تكبير لتليسكوب لهدف متحرك هيه فى حدود عشره او اتناشر
3--- او اتعمل من زجاج النظارات هيعانى مما يسمى الزيغ اللونى وهو هالات لونيه حول الصوره خصوصا الجزء المضىء فى حواف الصور --------- وده لان زجاج النظارات مكون من عدسه واحده اما عدسات التليسكوبات تتكون من عدستين ملتصقتين وكل زجاج له معامل انكسار مختلف وده عشان يصحح الزيغ اللونى -- لو عاوزين تفاصيل النقطه دى ابقى اقولها لكن للتبسيط هاختصر
4 --------- تليسكوب زى ده هاتبقى صورته مقلوبه فى حاله استخدام عدسه عينيه محدبه----- ولو حبيت تخلى الصوره معدوله هاتستخدم عدسه عينيه مقعره وهايظهرلك عيب تانى هو مجال الرؤيه الضيق جدا---- وده بيسمى تليسكوب جاليليو
5---- تليسكوب بنادق الصيد يتكون من اربع عدسات على الاقل الاولى شيئيه محدبه ثم عدستين محدبتين لهما طول بؤرى قصير ودول بيبقوا فى انبوبه داخل التليسكوب وظيفتهم يعدلوا الصوره ثم العدسه العينيه
واخيرا التليسكوب اللى الاخ هشام وضع مواصفاته يصلح لرويه القمر وممكن تحاول تشوف بيه المشترى والزهره وماحدش يستغرب واللى عايز يسالنى هجاوبه لانى هاوى فلك