ماهو لو الوضع بقى كده يبقى ده عرض العيد منى ليكم

[sayedlabib]

اولا كل سنة وانتم طيبين انا مكونتش ناوى انزل العرض ده عشان ماقطعش عيش التجار لكن الضرورات حكمت بقى لما الريتاى يبقى ب750 جنيه وفيه حاجات شمال وحاجات يمين يبقى خلاص قررت انزل بكل ثقلى ومحدش يلوم عليا


اولا مسدس نص كباية ونقطه فى الماسورة السعر 1.57 قرش



ثانيا مسدس كوب ونصف ونقطتين فى الماسورة السعر 3.5 جنيه غير قابل للتفاوض + طبه لسحب النقط اوتوماتيك

ثالثا مسدس البطه الغنى عن التعريف واللى الكل بيسال عليه دلوقتى عندنا عنا فقط ب 4 جنيه بس ووداعا للاستغلال

ندخل بقى على الحاجات الشمال

1 - رشاش سعة 3 كوب + نصف ملعقه ملح وملعقتين شطه يخفق جيدا ويقلب برفق والرشاش على رخصة او تنازل فى المسطحات المائية السعر 10جنيه


2 - المينى شبيه العوزى الاسرائيلى تهريب فى تهريب حاجه من الاخر اللون ابيض خزنة تشيل معاك لحد 4 كوبايات ميه + 8 نقط فى الماسورة 11جنيه 65 قرش


3 - المسدس الساقية الحريمى للمدام او للاخت او للابنه سعة 6 اقلام روج انفجارى احمر ووداعا لمشكلة السحب الاوتوماتيك عشان ساقية طبعا المدام ممكت تضرب بيه 6 اقلام روج بدون مايحشر السعر 8.25 وعليه عرض عشان خروجات العيد خليناه 7.75 السعر طبعا بالجنيه المصرى


4 - سيلف ديفنس كوكا كولا وغيره وغيره تأثيره قوى جدا جدا 40 مللى ب 4.25

5 - ملحوظة كل البضاعه مخزنة باكياس المصنع


وده تأثير المسدسات على الوحوش والضوارى





ملحوظة :

كل الطلبات الشمال ارجو الاتصال باليد الشمال على 000111000111

وكل عام وانتم بخير