شوفتوا الصيد بيعمل ايه

[rock]

بسم الله الرحمن الرحيم
اخوانى الاعزاء .... الاساتذه الكبار .... اعضاء المنتدى الجميل .
انا كاتب الموضوع ده لاوضح حاجه واحده فقط .طبعا اكثر الاعضاء " ان لم يكن كل الاعضاء" تعلمون ان الصيد رياضه نبيله .والموضوع ده انكتب لتوضيح تاثير هذه الجمله على الصياد وخصوصا الجديد او المبتدأ , انا كنت زى اى شاب عايش حياتى ومكانش ليه دعوه باى حد والمهم نفسى "على فكره انا طالب ازهرى " ومكنتش بركعها (الصراحه حلوه ). وماذا فعل بى الصيد..........؟
1ـالصيد طبعا بيبقى بعد الفجر فلازم عشان اقوم اصطاد اصحى بدرى واصلى الفجر .
2ـانا انسان خلقى وبفقد اعصابى بسرعه رغم طيبتى "والله مش بهزر " والصيد علمنى التحكم فى اعصابى وطرح القلق والعصبيه جانبا والتعويض عنه بالصبر والثقه بالنفس , انا بنزل كل يوم اصطاد فى المساكن عندنا جنب البيت "ساكن فى امبابه " ولما كان حد يعدى وانا بصطاد كان يتريأ للاسف . بس لما بتقع فوق راسه ولا امامه اليمامه كان بيتكتم .
3 ـ منتدى الصيد (وده حكايه )..الاعضاء الكرام فى هذا المنتدى (وده انا ملقيتوش فى الاشخاص اللى بيقابلوا بعض) بيودوا بعض وبيتكلموا على طول وفى بينهم حميميه . ولما سجلت نفسى الاقى اتنين بيكلموا بعض "وممكن مايكونوش اتقابلوا قبل كده" بكل موده ولا كأنهم جيران. وده خلانى انسى نفسى وابدا ابص واشوف ناس زى الفل عيشين فى الدنيا غيرى وانا كنت بحسب انى عايش فيها لوحدى .
باختصار * الصلاه وكلنا مصرى مسيحى ومسلم .
حب الناس والثقه بالنفس والتواضع مع عدم الهوان والمحافظه على كل ما هو غالى مثل الاصدقاء
ارجو قد اكون افدتكم من الموضوع المطروح زى مانا استفدت منكم خبره فى الصيد وخبره فى معاملة الناس وربنا يزبد المنتدى خير يارب . تقبلوا تحياتى اخوكم/ احمد عبد الغنى