طلعة اليوم و خيبة الامل

[GEN- I A Z]

السلام عليكم ورحمة الله و بركاته

النهارده الواحد صحي الصبح و الدنيا كانت تمام و بعد ما شحمت البندقية انبارح و ضربت 50 رشه على ما الدخان راح قلت انزل النهارده بقى هرجع بغزاله

المهم نزلت و فضلت ماشى بتاع نص ساعه على ما وصلت لمنطقة خاليه مقابلة لمنطقة سوق الاخبار عند المصانع كده و لقيت والحمد لله يمام

بس الغريب كل ما انشن و اضرب اليمامه تطير ولا كان فى حاجه

و استمريت بتاع ساعه و نص على الوضع ده و طبعا الشمس و الحر و التعب و الجري هلكت

و قلت اروح و انا فى الطريق وقفت أشرب حاجه ساقعه قدام كشك و لاقيت طائر وقف و لانى عارف انى مش هجيبه قلت اجرب

المهم رفعت البندقية و بصيت من النشان بس خليت النشان فوق الهدف ب سم و ضربت و اذا افاجأ ان الطائر وقع على الارض

أقرب عليه لاقيته عصفور و ياعيني كان بيطلع فى الروح وانا مش عارف اعمله ايه بس

و رجعت البيت خالى الوفاض بعد 3 ساعات صيد مصطدتش فيهم غير عصفورة

وبعد نص ساعه

طبعا لانه بقى ادمان طلعت تانى فى الجنينه الى ورا بيتنا و رشيت حوالى 20 رشة جبت بيهم عندليب تانى و الباقى ريش بس برده الحمد لله فى تقدم عرفت الاماكن و ازاى اضرب و امتي و فين