اسعار السلاح الحي بقت نار

[البدر المصري]

بعد الاحداث اللي شغاله في مصر حاليا اسعار السلاح الحي تضاعفت بشكل غريب خلاني متأكد ان تجار السلاح الكبار ليهم يد في اللي بيحصل من فوضى لانهم اكتر ناس مستفيدين من بيع الاسلحه والذخائر يعني مثلا كان ال بيشتري بندقيه الي عدد محدود جدا وبيكون عنده مشاكل لكن البيت المسالم كان تكفيه فرد خرطوش او نقول بندقيه خرطوش فلاحي ( عيار 12 او 16 ) تعالى نشوف دلوقتي كل بيت قطعه او 2 ألي وكام فرد خرطوش ومسدس ميري مسروق او مش مسروق وعدد من الخزن وكميه ضخمه من الذخائر مع ان الاسعار نار رغم وفرة المعروض للبيع نظرا لكمية السلاح المهوله ال دخلت من ليبيا . بس الطلب اكتر فالاسعار اصبحت رهيبه في الصعيد ودي امثله للاسعار
1 - فرد الخرطوش او فرد 9 ملم كان بيتراوح من 300 الى 500 جنيه دلوقتي سعر 1000 جنيه .
2 - علبة الطلقات عيار 12 او 16 وصل سعرها 450 جنيه تخيلو بعد ماكانت 125 جنيه .
3 - البندقيه الخرطوش كريب الماني او ايطالي وصلت 10 الاف بعد ماكانت تتراوح بين 4 و6 حسب حالتها .
4 - مسدس حلوان 9 ملم وصل سعره 13000 ايوه 13 الف جنيه بعد ماكان ب 6 و 7 .
5 - البندقيه الالي الخفيف صناعة السبعينات وصل سعرها 15 الف بعد ماكان 7 و 8 الاف .
6 - البندقيه الحرس ( الزباله ) وصل سعرها 14 و 15 الف .
7 - البندقيه الروسي ( الالي التقيل ) موديل 52 او 53 او 56 ب 25 الف جنيه .
ده على سبيل المثال وليس الحصر وفي الاخر كله بيشتري ربنا يستر على مصر من انتشار الاسلحه ووصوله الى يد اللي يعرف يستخدمه واللي ميعرفش .