الأليكتريك شوك ( محدش حيقول الكلام دة )

[ahmedmh_ali]

ملحوظه هامه
ههذا الموضوع رأى شخصى للعضو صاحب الموضوع ولا يمثل رأى الاداره
المنتدى ملتزم بالحياديه تجاه كل الاعضاء
المشرف العام

بسم الله الرحمن الرحيم
و
بة نستعين

أنا النهاردة عايز أتكلم على الأليكتريك شوك طبعا بما أنة حديث المدينة دلوقتى و علية رواج كويس و سوقة ماشى .. ، الحمد لله فى المنتدى هنا عملت مواضيع لناس كتير مكنتش أعرفها و لا كلمتها بس لازم من الواجب و الأمانة أنك تقول كلمة الحق فى واحد يستاهلها أو تنتقد واحد لو حسيت أنة بيعمل حاجة مش مظبوطة فأيا كان لكل منا هدفة ...

.. ندخل فى نص الجد مش الجد الجد كلة طبعا فى أعضاء بتتصل بيا بتسألى مين أحسن واحد بيبع أليكتريك مين عندة أفضل الأسعار ، مين بضاعتة جودتها عليا ..
ندخل فى 3/4 الجد .. أنا بقالى فترة عايز أعمل الموضوع دة بس مكسل بصراحه ..


- جدول بالأعضاء اللى بيتاجروا فى الأليكتريك :

1 ،،،،،،،،،،،،،،، .
2 ،،،،،،،،،،،،،،،، .
3 ،،،،،،،،،،،،،،،،،، .
4،،،،،،،،،،،،، .
5 ،،،،،،،،،،،،،،، .
6 ،،،،،،،،،، .
7 ،،،،،،،،،،،، .
8
9
10 عفروتو .




نيجى بقى نتكلم على اللى بيبع دة واحدة واحدة ....
التجار هنا مقسومين أنواع :

- تاجر ربنا كرمة بيجيب 20حتة 25 حتة و يبيع على المنتدى .
- تاجر بجيب ب 10 عشر حتت و يبيع ويخلص و يجيب تانى و يخلص و يجيب تانى و هكذا .
- تاجر معاه 4 / 5 و بيقولك أقلب عيشى بيهم يعنى بيبقى معاه أليكتريك واحد من كل نوع و ماشى الحال ..
- تاجر تانى بيجيب هو أليكتريك واحد و يرفع يافطة ( فرز أول ) و يبيعه و يجيب واحد غيرة .. و هكذا .

عامة .. بالتوفيق للجميع أكل العيش مفتوح و أتمنى من ربنا يرزق الكل ... لكن .. لكن .. لكن .. اللى ربنا مش بيرضى عنة ؟؟ اية .. ( الكذب ) .

يعنى مثلا : واحد من التجار اللى معاه خمسة عشرة عشرين اليكتريك .. يكون أعلانة ( يوجد لدينا جميع أنواع الأليكتريكات و ال و ال و ال بجميع الأسعار و يوجد كميات كبيرة و و و و و و و و ، و اية ؟ و أنت بالصحه و السلامة .. نتيجى تتصل بية تلاقية اية عايش دور الأمين العام للصناعه الأوروبية ( أيوة تحت أمرك ) ، (لو سمحت انا عايز أليكتريك شوك ) ، (موديل أية ) ، (704 ) ، ( اة موجود عندى ) ، ( طيب أقابل حضرتك أمتى ) ، ( كمان ساعه ) ، ( طيب ) و خد عندك بقى :

ألو ؟
- أصلى والدى توفى ..
- أًصل العربية التيب فى التنبورة عمل زجزجة جامدة معاة خليها بكرة
- أصل و الله جالى واحد أخد الكمية كلها مقدرتش أقولة لا
- أصل أصل أًصل أصل ......


فية حلول ؟؟

أة فى .. تعرفوا العضو اللى معانا اللى أسمة ( عفروتو ) ؟ عايز أقولك حاجة بخصوصة ..

- حتلاقوا ناس عاملة عروض أحسن من عفروتو بكتير ..

الناس دى كان فية منها أعضاء هنا بيعملوا عروض وهمية بأكتر من عضوية علشان يضربوا و يحرقوا سعر السوق مثلا من 200 ل 150 و هكذا ( طبعا من غير تفكير ) الناس حتجرى على عفروتو اية يا عم أسعارك دى ؟ دة ب 150 موجود عفروتو يضطر يجيب كمية تانية يعرف يظبط فيها السعر للأعضاء علشان ميزعلش حد ( الناس اللى تسببت فى أنها بتخرب فى عرض عفروتو ) بيعملوا اية ؟؟ بيلفوا جرى و يرجعوا على عفروتو بعد لما ينزل السعر علشان ياخدة منة و الأعضاء مش عارفين أة حاجة من دى و لا حاسين باللى بيحصل .. فرحانين بس ان فى عروض سعرها فى الأرض و خلاص ....

- حتلاقوا ناس كاتبة فرز أول و جودة عالية و كدة و عفروتو مش كاتب ..

اللى عايز يجيب يجيب من عفروتو .. أشمعنا ؟ لية جودة عفروتو أعلى .. يسعدنى أنى أقولكم أن عفروتو بجيب من المـــــــــــصــــــــــــــــدر ، الوحيد على المنتدى هنا فقط اللى بيجيب الحاجة من مصدرها ..
أما البقية من التجار فبتتداول بالتدريج من تاجر لتجار و هكذا ( ملحوظة : الوساطة تتسبب فى ارتفاع السعر )


- مبدأ الضمان و باقى الأليكترونيات المعروضة داخل المنتدى ..

أنا بس عايز كل واحد يسأل نفسة سؤال : مثلا جهاز ال gps .. لما أنت حتشترية من واحد أساسا مش موجود عندة و ح يجيب حتة و واحدة بالطلب من تاجر عندة الحاجات دى .. و حصل فية حاجة و جيت ترجعه ؟؟ ( أبقى قابلنى ) ..

طيب عفروتو .. ( الوحيد اللى يقدر يوفر الألكترونيات دى و بكمية ) أى جهاز حيحصل فية حاجة حتروح حيقولك أهو بدالة ..


- أستثمار الوقت ( بالبلدى كدة اللى عايز ينجز ) ..

علشان متفضلش تروح من هنا لهنا لهنا اللى موجود دة بيبقى زى ما قلت بالحتت و الطلبات المحدد بتبقى صعبة عليهم ف خليك مع اللى معاه الصح .





مش عايز الناس تفرح بالعروض و الأسعار و المنتجات و تلاقى واحد حاطط الالكتريك ب 50 يبقى عفروتو نصاب او غيرة نصاب .. لا عايز كلة يفتح عينة و يخلى بالة من العروض الوهمية و حرق الأسعار لأن من كل الناس عندما أمانة فى البيع و الشراء و علشان تضمن جودة المنتج خلى بالك ان البضاعه اللى بتجيى من ايد ل ايد ل ايد غيرة البضاعه اللى جاية المصدر و دى حاجة مفروغ منها ..
و بخصوص المكسب و كدة السعر اللى يحطوا عفروتو خدوا بية و برقبتى .. علشان حاجة صغيرة بس .. الراجل دة يا جماعه ربنا يزيدة مش محتاج اللى جاى اللى ورا الأليكتريك يعنى عمرة ما حيبيع بسعر فية جشع ، و عايز بردة أقول محدش يفكر أن عفروتوا باللى أنتوا شايفينة دة بس ، لا عفروتو مجالاتة أوسع و أكبر من كدة بكتير و مش عايزين أدخل فى حاجة مش تخصنى ..


ياريت يا جماعه نقف مع الراجل دة ضد أى حد يحارية علشان أول عن أخر كلنا بنحتاجة و هو راجل كويس و مش عايزينة يبعد و عايزين الجديد منة دايما ..


و للتوضيح فقط ليس الا : عفروتو دة انا لا عمرى شفتة و لا قابلتة و أنا من أسكندرية و هو من القاهرة و لا عمرنا حتى أتكلمنا فى شغل و لا أى حاجة حصلت بينى و بينة .. لكن مفيش حد من اللى بيبع على المنتدى هنا الا و شفت منتجاتة و سألت على الشخصية و تعاملها و .. و .. و أتاكدت أنا بنفسى و شغل المخابرات مفيش أسهل منة و مفيش حاجة بتستخبى ..

( أدى العيش لخبازة )


أتمنى أنى أكون وضحت الصورة ، لأن فية ناس تستحق يتقال فيها كلمة الحق ..




... كل اللى قلتة أنا مسؤل عنة و مستعد للسؤال عنة حين يلزم الأمر ...




..............................