طلعة صيد من أجمل طلعاتى ... الجمعة 9/9

[mimic]

المشاركة الأصلية كتبت بواسطة dr_mohasan

الأخ العزيز محمد صلاح , انا سمعت عنك كل خير من أمير وعصام ونفسى يسعدنى الحظ بمقابلتك قريباً

موضوع أن الصيد يكون ناشف ده مالهوش علاقة بالحفظ فى الأيس بوكس

أى كائن حى بعد ما يموت , بيحصل فى داخل العضلات تفاعلات كيميائية تؤدى الى حالة التيبس التى تراها على الطير , واسمها العلمى (التيبس الرمى) وهذه الحالة تبدأ بعد ساعة - ساعتين بعد الموت و تحدث تحت أى ظروف حتى لو محفوظة فى الثلج , وتستمر لعدة ساعات ثم تعود بعدها العضلات الى حالة الإرتخاء وتعود الجثة الى حالتها الطبيعية.

أما بخصوص الأيس بوكس , فهو بنحط فيه كمية من الثلج وبتكون كافية لحفظ الصيد لمدة أكتر من 12 ساعة (( أكثر طريقة عملية وغير مكلفة هى استعمال زجاجات البيبسى البلاستيك وملأها بالماء مع ترك حوالى ربع مساحتها فارغ ووضعها فى الفريزر قبل الطلعة بيوم كامل ثم وضعها فى الأيس بوكس )) , لأن أنا باطلع مع صيادين مفتريين مش بيصطادوا لمدة ساعة ولا اتنين زى كل مخاليق ربنا ( هههههههههه ) ... طلعة الصيد بتاعتهم من الفجر للمغرب ... و الطلعة اللى بتنتهى على الظهر لأى ظروف , بنعتبرها طلعة خفيفة و سريعة ( هههههه ) , فلازم نستعمل الأيس بوكس لحفظ الصيد والا يفسد بسبب الجو الحار

أما لو طلعة الصيد لمدة 3-4 ساعات ف مش هاتحتاج أيس بوكس , ولكن يجب حفظ الصيد فى مكان جيد التهوية ( شنطة قماش مثلا مش بلاستيك )

أرجو أنى أكون أفدتك وتحت أمرك فى أى سؤال

خالص تحياتى والى لقاء قريب بإذن الله

ياباشا ده انت اللي كل الناس بتشكر في اخلاقك ومعاملتك الحسنة ... انا اللي يشرفني اني اطلع معاك طلعة وبإذن الله ننسق وتكون طلعة العمر ... وشكرا يا دكتور على المعلومات المفيدة جدا وشكرا على عدم التأخير في الرد