طرائف حقيقية؟!!!!

[تيتو المحلاوى]

حكى شيخنا الشيخ عبد الحميد كشك رحمة الله
ان كان فية قرية فقيرة من قرى مصر وكان فيها رجل غنى جدا لا يخرج الذكاة
وكان عندة كلب اعزكم الله فلما مات الكلب الراجل عاملة صوان كبير ف اهل
القرية اضيقوا ازاى ان فية ناس مش لاقية الاكل ودة عامل صوان زى دة ولكلب كمان
ف اتجمعوا وراحوا لشيخ الغفر وحكوله قالهم هروح اكلمة يمكن يحن علينا ويخرج زكاتة
ولما وصل شيخ الغفر للراجل قالة ازى ياباشا تعمل صوان زى دة لكلب والناس مش لاقية تاكل
الراجل رد علية وقالة اصل الكلب لما مات سابلى 100جنية(ودة مبلغ خياااالى وقتها)وقالى اعملة صوان ب50وادى لشيخ الغفر50
رد شيخ الغفر وقاله هو المرحوم قال اية؟!!


يحكى ان رجل راح لصاحبة اسمه ابا نوح يزورة ويتفقد اخبارة والعادة عند العرب الضيافة3ايام حاجة شبة اجبارى كدة انة لازم يكرمك3ايام دول
ف فى ال3ايام دول الراجل مااتقدملوش ولا وجبة لحد ما جاع خالص وطلب الاكل فقدملة رغيف عيش قديم وناشف جدا وصعب الاكل
ف الرجل قال ابيات شعر يهجوة بها ويوصف الرغيف

يجوع ضيف ابانوح بكرة وعشية
حتى ادركتنى طعم المنية
فجائنى برغيف قد ادرك الجاهلية
فقمت بالفاس كى اضق منة شازية
فطارت منة قطعة كسهم الرمية
فكسرت الفاس وشجت منى ثنية



يحكى ان الجاحظ كان دميم الخلقة وكان فى يوم فى السوق
فشاف واحدة جميلة جدا بتبصلة اوى ف استغرب وبعدين قالتلة تعالى معايا
راح معاها لحد ماوصلوا لصائغ ف قالتلة زى دة
ف الجاحظ طبعا ضرب اخماس فاسداس يعنى اية زى دة
وبعد ما مشت سال الصائغ يعنى اية زى دة
قاله انها قالتلى عايزة خاتم علية صورة شيطان ف قولتلها
اننا مابنشفش الشياطين فقالتلى انا هاجبلك ال شبهه
وجابتك

القصص حقيقية ولكن انا راوتها بالعامية
وانتظروا المزيد................