طلعة مبروكة

[mohamed fareg]

النهاردة حصل معايا حاجة غريبة عاوز اشركم فيها معايا انا كنت ناوي اطلع اصطاد الفجر مع 2 من اصدقائي اتعرفت عليهم من هنا في الرابطة وانا اعتز بمعرفتهم لانهم من اهل الخبرة وفي منتهي الذوق وهم الاستاذ احمد ( ابو شمس ) واخي العزيز محمد وفيق لكن محصلش نصيب نظرا لانشغال الاستاذ احمد بميعاد ارتبط بة فقعدت في البيت مش عارف اطلع لوحدى ولا ماطلعش المهم لقيت ولادي الاتنين بيقولولي عاوزين نشوفك وانت بتصطاد قولت في عقل بالي اطلع وامرى للة قولت اروح حتة قريبة مني اروح المعادي وانا روحت من هنا وكل شارع جانبي الاقي فية من 3 الي 4 يمامات بس اللي جدع يعرف يضرب في كل خن من الشارع تلاقي واحد من الامن واقف بيحرس الفلل ولما ضربت مرة لقيت 3 طلعولي منين انا ماعرفش والحمد للة تفهموا الموقف اني باصطاد يمام وان اولادى معايا يعني انا مش ارهابي ولا حاجة ونظرا لان شوارع المعادى كلها فيلل اول يمامتين معرفتش اجيبهم واحدة منهم لما وقعت لقيت قطة كبيرة جريت عليها وخطفتها قبل ما احصلها والتانية وقعت جوة فيلا المهم استعوضت ربنا فيهم ورحت ماشي من المعادى وقولت اطلع علي حتة تانة المهم وانا خارج لقيت سرب يمام واقف قرب جنينة قولت اجرب حظي والحمد للة اصطدت 3 يمامات ومشيت روحت حتة تانية قولت اروح علي القاهرة الجديدة وقعدت الف فيها المهم وانا ماشي كل شوية الاقي يمام ويمام وما شفتش ولا حمامة واحدة وفجاة الاقي غية حمام واقف فوق فيلا مهجورة روحت سميت باللة وقعدت اضرب والم اللي بيقع وطبعا وقع جوة الفيلا كذا واحدة بس في النهاية عرفت اوصل لحارس الفيلا واقنعتة بفتح الفيلا وبعد ما فتحها اديتة جوز حمام من اللي وقع جوة هدية مني لية والراجل طار من الفرح لدرجة انة سابلي باب الجنينة مفتوح علشان اخش الم اللي بيقع بس انا تعبت لان الرحلة قعدت من البداية غاية النهاية اكتر من 3 ساعات والاولاد تعبوا المهم شكرت البواب ومشيت وانا مبسوط من الطلعة وقولت اشركم معايا في تفاصيل الطلعة اللي ماكنتش علي البال بس النتيجة النهائية كانت جميلة وممتعة وكانت الحصيلة اللي معايا 5 حمامات و 6 يمامات واتفضلو معايا