طبعا ده لا يتم الا مع الطبنجه الحيه او البنادق.. ودى تجربتى مع طبنجتى. وهم خطوتين مافيش غيرهم وبأدوات سهله جدا: اولا يتم ازالة الصدأ بقطعة سلك مواعين وعليها نقطتين (هاربيك) منظف الحمامات اللى موجود فى السوبر ماركت والعبوه ب 4 جنيه وحتى لو القطعه المراد تلميعها مدهونه الهاربيك حيقوم باللازم معاها وبسرعه يعنى هو مزيل صدأ ومزيل دهان.. يبقى ناخد بالنا واحنا بنتعامل معاه عشان مايزيلش اى دهان غير مرغوب فى ازالته.. بعد تنظيف القطعه بالهاربيك حتلاقيها بتلمع قوى بس لو سبتها حاتطفى بعد نص ساعه ويمكن تصدى تانى لأن الهاربيك حامض وبملامسته لبخار الميه اللى فى الجو حايكون هيدروكسيد اللى هو الصدأ..يبقى ايه الحل؟... الخطوه التانيه قطنه مبلوله ونزيل اثار الهاربيك وفوطه قديمه وننشف القطعه... وبعدين للحفاظ على اللمعه اللى حاتعجبكوا دى حانجيب علبه كمباوند من عند بتوع الدوكو وهو على شكل معجون من باب العلم بالشئ ..ناخد كام لحسه صغيره على القطعه وندعكها جامد بقطنه ونكرر العمليه دى مرتين تلاته .. وبس حاتفضل القطعه بلون الستانلس اللامع لمده طويله وكل كام شهر لما تلاقى لونها بهت لمعها بالكمباوند.. ودى صور الطبنجه قبل وبعد.. طبعا انا مغير مقبض الطبنجه للحفاظ على المقبض الاصلى عشان لو حبيت ابيع فى ما بعد
11-12-25, 04:54 PM
تحويل الطبنجه الى نص ستانلس لامع
المواضيع المتشابهه
العرض الشجري