شخصيات تعلمت منهم

[المستشار]

بسم الله الرحمن الرحيم
اخوانى اود من كل قلبى ان ارد بعض الجمايل اللى فى رقبتى لبعض الشخصيات المحترمه فى منتدانا الجميل ولو ببعض الكلمات
وابدا بذكر عمده المنتدى جلال خليفه الطيب الذكر تعلمت منه السرعه فى خدمه الغير حتى ولو على حساب وقته ومجهوده وسعات على حساب جيبه كمان وتعلمت منه ايضا الطيبه والسماحه ووشه البشوش وذكاءه الخفى
كما تعلمت من اخويا اسامه فتحى الفكر العلمى وعدم التحدث فى موضوع خاص بالبنادق الا بعد دراسه كى يكون الاقناع مبنى على العلم بالادله والبراهين كما تعلمت منه السرد وتسلسل المنطقيه فى شرح اى موضوع وعايز اقول لكم سر ان اسامه ايديه الاتنين يمين يعنى بيستعمل الشمال زى اليمين ربنا يبارك فيه
وتعلمت ايضا من اخويا محمد لبيب الحرص الشديد على مواعيد الصلاه والالتزام بالكلمه وايضا فى مجال الهوايه فهو من ابرز الرامين الذين يصيبون الهدف من على بعد قد يصل الى 60 متر بدون منظار هو ومن ذكرتهم سابقا بسم الله ماشاء الله
وتعلمت ايضا من اخويا محمد حافظ نكران النفس والسرعه الشديده فى تلبيه اى نداء والفكر المستمر الدائب فى تنميه هذا الصرح المنتدى العظيم كما تعلمت من طيبته واخلاقه الكثير
وتعلمت من اخويا الصغير مصطفى قناص الليل الكرم الشديد وتفانيه فى خدمه ضيوفه حتى انه كان معنا بدون بندقيه وكان بيجرى هنا وهنا لتلبيه ومساعده افراد الرحله شكرا لك يا درش
واخيرا الشخصيه الفذه المحترمه عذب اللسان وحلو المعشر طلعت باشا بخيت بضحكته الحلوه وصفاء سريرته وعلمه فى مجال البنادق والصيد وتواضعه الشديد
هولاء علمونى وشكرا جزيلا على صحبتهم الحلوه الجميله وربنا يديم المعروف واتعلم منكم كمان وكمان مع ارق تحياتى واطيب امنياتى