اول رحلة صيد بعد طول غياب

[الجوكر]

السلام عليكم ورحمة الله وبركاته

طبعا كتير منكم فاكرنى لانى كنت عامل شوية دوشة فى قسم الصيانة والاسلحة النارية

بس الحمد لله تم تصليح بندقيتى وبقت زى الفل وطلعت انا وواحد صاحبى نصطاد النهارد

الموعد الساعة 3:30 عصرا

المكان وسط الحقول + مكان رملى واسع بجوار الحقول

كانت حصيلة اليوم عصفورين صغيرين :d

على الرغم انى شفت يمام وحمام غيطى وطيور كمان غريبة ماعفش اسمها الا ان النتيجة كانت مخيبة للأمال

احنا بنعرف ننشن كويس جدا الحمد لله

المشكلة بقى فى ايه ( كل مانقرب من الطيور تطير بعيد حتى لما نقرب براحة بتطير برضه )

انا قلت لصاحبى يمكن علشان انا لابس اسود مثلا شاكلى واضح قوى او يمكن الطيور مبتحبش اللون الاسود فأول مبيشوفونى بيهربوا :d

مشكلة كمان فينا اننا مبنعرفش نتابع الطير كويس ياعنى مثلا العصافير الصغيرة ساعات كانت تاخد الرشة وتطير وبعدين تقع نروح ندور عليها منلقيهاش ( ضيعنا مننا 3 عصافير وقعوا ومش لاقينهم ) ((( الصيد مطلعش مجرد تنشين صائب فقط ))))

الحمد لله انا رغم كده سعيد قوى اننا رجعنا نصطاد تانى والصيد فعلا ممتع جدا على الرغم انه متعب

الرجاء من الاخوة المخضرمين اعطائى نصائح وارشادات لتصحيح اخطائى واهم مشكلة عاندى ان الطيور مبعرفش اقرب منها

منتظر ارائكم وردودكم