رسالة إلى الاخ commando

[mcflono]

المشاركة الأصلية كتبت بواسطة h_srm

commando انت اللي كاتب الكلام ده؟

لو كاتبه فأحب أقولك وماتزعلش مني كفايا بئا كل شوية تطلعلنا بكلام غريب والله يا اخي

الجيش حبايبنا كلنا لكن وحطت تحتها مليار خط لو هيبقى على وتيرة السحل والوساخة اللي بيعملها فهيضرب بالجزمة وأأكد ان الجنود والضباط الاسوياء اللي يعرفوا الدين اصلا صعب يتعرضوا للشعب بأي شكل.

اللي اضربوا واتسحلوا ماكنوش بيخربوا ومش هنعيد الكلام تاني ارجع لمواضيعك وردودنا عليك فيها وهتفهم اكتر لانك واضح يا اخي انك مش عايز تفهم

احنا كشعب فاهمين ان في محاولة وقيعة بين الناس والجيش بس عمره ما هيحصل والله والوقيعة دي المجلس العسكري طرف فيها لانه قصد يدفع جنود ويخليهم يضربوا الناس وربنا مش هيسبهم ولا احنا هنسيبهم باذن الله

تعرف دلوقتي بيتكلموا على ايه؟ والاخوان بيتكلموا على ايه؟ على خروج آمن وحصانة بس ده لما يشوفوا حلمة ودنهم لان كل نقطة دم سالت وشككوا فيها وقالوا عليهم بلطجية باذن الله هتكون زي القنابل النووية مش هترحمهم باذن الله.

وبكرر وبختم الخلاف مش مع اي عسكري والدليل الناس بتسلم على العساكر في الشارع احنا بحمد الله شعب واعي وفاهمين الدنيا ماشية ازاي والعسار اللي كانوا بيتمسكوا في التحرير كلنوا بيتعالجوا ويطلق سراحهم لكن مش هنشوف واحد لابس ميري وبيضربنا بعصاية او نار من غير سبب وهيتساب

فهمت ياباشا؟؟؟؟

وايه موضوع حصد الارواح ده؟ هما مكان ملك الموت؟؟؟؟؟؟

الجيش وظيفة التصدي للاعداء لا لاولاد الوطن وظيفته التصدي للمخربين والشعب مش مخرب لكن فيه ناس بتخرب العقول وده مش هيحصل طول ما احنا كشباب عايشين مش هنسكت باذن الله والجيش والشعب ايد واحدة بكل تأكيد لكن فيه اصابع هتتقطع وهتتحاسب باذن الله عاجلا او اجلا.

واخيرا وليس اخرا كلامك ده يا استاذنا بيفكرني ببيانات المجلس العسكري اللي بتحاول تحط الجيش قدام الشعب بدل ما هما قدام الشعب زي ما عملوا مع المجلس الاستشاري لكن الشعب واعي واغلب الشعب شباب واحنا حتى لو حطوا الجيش قدامنا فهنقول للجيش بعد اذنكم انتم حبايبنا اتاخروا على جنب وحسابنا مع اللي وراكم المستخبيين.

ولو فضلوا شوية منهم فهنقولهم هلك فرعون وجنوده.. وربنا المستعان

المجلس بيحاول ينشر الفكرة دي وناس زيك كدة ياباشا معاه وهي ان الصدام جاي مع البلطجية ولو الشرفاء بلطجية فانا بلطجي زيهم وزينا ملايين باذن الله

حابب ازود

يبدو أن العضو العزيز كوماندو أحد أعضاء اللجان الالكترونية التى زاد نشاطها في الفترة الأخيرة

أو على الاقل من الناس اللي مش عاوزة تفهم أن الجيش المصري الشريف حاجة والباشوات القوادين بتوع المجلس حاجة تانية خالص وانهم كانو مشاركين في نهب البلد وخيراتها وعشان كدة هما مصرين على أخذ وضع خاص في الدستور الجديد ويبقو فوق القانون بحجة الأمن القومي عشان مفيش حد يحاسبهم على الفلوس المنهوبة

ولو مش مصدق...اديك أبسط مثال عن طنطاوي.... روح اسأل اتحادات الملاك في عمارات مشاريع القوات المسلحة عن عدد الشقق اللي مكتوبه في الاوراق "مخصصات السيد الوزير" ....في العماره اللي أنا ساكن فيها خمس شقق و عدد الشقق في باقي العمارات في المشروع يعدي 60 شقة اضرب بقى في حوالي 250 ألف متوسط سعر الشقة في المنطقة أدي بالمرتاح 15 مليون جنيه في مشروع واحد من ضمن الاف المشاريع للقوات المسلحة وكل ده من غير ما يدفع مليم أحمر.... يبقى الرجل ده فاسد ولا لأ؟

البلد مبارك كان مقسمها تكيات وطبعا كل واحد مستموت عشان التكية الي تحت ايده متتاخدش منه...

أدي يا سيدي احد الاسرار الخطيرة في الميزانية العسكرية الي هما خايفين عليها تطلع أحسن تضر الأمن القومي...

فهمت ولا لسة...