بطالب بتعديل قانون ترخيص الاسلحه في مصر مثل تركيا

[moh_goher]

المشاركة الأصلية كتبت بواسطة mibrahem

والله ياجماعة انا متخوف من موضوع وجود السلاح فى البيت كده اذا كانت امريكا اتكوت من موضوع وجود السلاح فى ايد اى حد وعمل لبها مشاكل كتير زى العبال الصغيرة التى تذهب الى المدرسة ومعها سلاح وطبعا بيستخدمة غلط لصغر سنة انا شايف ان يكون ترخيص السلاح سهل وبطرق مبسطة ولاكن مش اى حد ولا حتكون فوضى ده راى ممكن يعجب تاس وممكن لآ

حضرتك السلاح اللى مع المراهقين سلاح غير شرعى يعنى بدون ترخيص وشروط معروفة فى كل الدول والرخصة بطلع فى 24 ساعة معدا التعقيدات اللى عندنا هنا فى مصر لازم تكون غنى عشان تشيل سلاح حضرتك مسكت فى الجزء السلبى من الموضوع السلاح بره بيتباع بجميع انواعه وبدون ترخيص بمجرد انه بياخد بيانات المشترى وصورة من بطاقته دا عشان يثبت عمره طبعا وبيتسجل اوتوماتيك السلاح باسمه وبيروح يستلم الرخصة من القسم التابع ليه
سؤال حضرتك ايه الفرق بين واحد ضرب نار بسلاح مرخص او غير مرخص ؟وايه دوافعه عشان يضرب النار ؟
ايه الفرق بين واحد احترم القانون وراح يشترى سلاح مرخص وواحد تانى اشتراه بدون ترخيص مع ان الغرض واحد الدفاع عن النفس ؟
ايه المطلوب لما طلب الترخيص فى يقعد سنة وممكن متخدوش لانك موظف مش من ذوى الاملاك ؟ هو الدفاع عن العرض لازم يكون ارض ولا مصنع ولا محل دهب ؟ طب واهل بيتك دول مش عرض؟
انك تكون اعزل وسط بلطجية معاهم الى ولا انك تخالف القانون وتجيب سلاح غير مرخص
انا عن نفسى بعد كل اللى قلته لو اتعرضت عليا فرصة انى اشترى سلاح غير مرخص هشتريه نظرا لان سعره هو سعر السوق مضاف اليه مصاريف تهريبه ومش هحتاج للخوته دى
طب ولو جبت مرخص اولا مصاريف الترخيص اللى هيجى كمان سنة طبعا 500 جنية ومصاريف السلاح نفسه سعره بالمصرى من على النت مضروب فى عشرة