باركولى +نصيحة
السلام عليكم جميعا الحمد لله اشتريت بندقية جاموهنتر 440 استعمال نظيف جدا ودى اول بندقية اشتريها فى حياتى بس النصيحة انا بالامس كعب رجلى ورم من اللف على محلات السلاح بجد ورم ورم المهم اللى عاوز يشترى اى بندقية ياريت يشتريها دلوقتى لان البنادق فى الطالع بجد انا رحت للسجلابى الاخ على كان هناك محترم جدا فى المعاملة بس سعر الجامو هنتر 440 جديدة عنده 3700 دا كلام نهائى وطبعا ماكان لى فيها نصيب والخيرة فيما اختاره الله طبعا سبت الجيزة وقلت اشوف ميشيل عازر كان فيه راجل كبير محترم جدا سالته على الجامو هنتر 440 قالى خلصانة قلتله بتبعها بكام جديدة لو موجودة قالى 3500 انا قصدى من الكلام ده ايه كل تاجر ربنا يسهله ويباركله فى تجارته بس بالحال ده البنادق الرش اسعارها بعد كده لن تطاق فنصيحة اللى عاوز يشترى بندقية لو فى منها استعمال نظيف يجيبها من على المنتدى لانى متوقع بعد كام شهر البندقية اللى ب3 الاف هتتباع بخمسة او اكتر فاللى معاه قرش وناوى يجيب بندقية يعجل فى الموضوع وزى ماقلت مش شرط تكون جديدة فى الكارتونة يارب يارب اكرم كل واحد بالبندقية اللى نفسه فيها اما عن التجار (لا تعليق) قبل ما اقفل شكر خاص للاستاذ احمد الشرقاوى ربنا يبارك فيه والاستاذ المحترم جدا احمد روك ربنا يبارك فيه تحياتى ليكم جميعا
|
12-01-17, 09:39 AM
المواضيع المتشابهه
العرض الشجري