|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-01-20, 05:16 PM
|
#1 |
|
المشرف العام
تاريخ التسجيل: Mar 2011
المشاركات: 6,676
معدل تقييم المستوى: 438   |
لقاء السحاب
بسم الله الرحمن الرحيم
امبارح كالعاده يوم ممل جدا زى اى يوم خميس الصبح شغل وبالليل فرح عند اى حد معرفه (ربنا يكتر افراح الجميع ) بس للاسف انا ببقىى مخنوق من افراح الشارع (لاسباب شخصيه ) المهم وانا قاعد فالفرح شئ من عند ربنا قالى بص فالموبيل وانا بطلعه فتحت على اخويا وحبيبى عادل عبده لقيه بقولى انه عند الكنج محمود شلبى فمصر القديمه وان عنده رش ديابلو نمرة 1 التركى الماستر بوينت المدبب وطبعا عادل اول مشاف الرش مشكورا كلمنى عشان عارف انى بحب الرش ده وقالى ان العلبه ب 5 ج وطبعا زلنى لانى اتدبست وجيبتها من محل شاهين ب 8 ج وقالى انه حاجزلى 5 علب واروح اخدهم فاى وقت بينى وبينكم قلت فرصه اخرج من الفرح واشوف حبيب قلبى عادل اللى لسه مكنتش نلت الشرف ده وطبعا رحت واخد الفيسبا وطاير على الكورنيش وطول مانا ماشى بدعى على عادل من البرد المهم وصلت وانا واقف مستنى عادل يقابلى على ناصيه شارع المحل شفت عربيه معديه فيها مين بقى الاستاذ محمد وفيق وحد جنبه بس مخدتش بالى منه واول مشفت عادل بقوله هو الاستاذ محمد كان هنا قالى لا ده جاى دلوقت وبيركن العربيه قلت يبقى انا صح وحنول شرف لقائه لانى متابع مواضيعه وبستفاد منها ودخلت للاستاذ محمود شلبى ومش حقول حاجه على كرم الاستقبال والضيافه بس بجد اللى لسه مقابلش استاذ محمود خسران كتير قوى وكان هناك الاستاذ محمد سيد ( msa79 ) انسان بشوش ومحترم جدا هوب المفاجئه الاقى مين داخل علينا مع الاستاذ محمد وفيق ومعاه حبيب قلبى واخويا الكبير واخونا كلنا الانسان الخلوق الدكتور محمد حسن يا نهاااااااااااااااااااااار ابيض ربنا فعلا ربنا بيحبنى وبعد السلام لقيتهم عارفينى ( مشهور بقى ) ههههههههههه وبعد قليل تم وصول اتنين من الاخوه على المنتدى وهم الاستاذ عبد الرحمن والاستاذ عبد الكريم من طرف الاستاذ ايهاب ابو الوفا لصيانه بندقيه شانجهاى نمرة2 ويا للمفاجئه ميعرفوش حد من كل اللى واقف غير عادل باشا (طلع مشهور اكتر منى ) (انا مش بقر انا بنق ههههههههههههههههه ) وطبعا كلنا تابعنا الكنج محمود شلبى فعمله الاحترافى من فك وتغيير سوسته وتشحيم بجد راجل خبير وفاهم بيعمل ايه واستمر القاء على مدى اكتر من ثلاث ساعات تم تبادل الخبرات ( بينهم بس انا كنت متلقى فقط ) وفعلا استفدت كتير من كلامهم المهم وبالاخص استاذ محمد وفيق عشان من حسن حظى كان ليا النصيب الاكبر فالكلام معاه وادنانى شويه معلومات مهمه جدا فالصيد وبجد بشكر ربنا واخويا عادل عبده انه اتاح ليا الفرصه انى اقابل احسن شخصيات عرفتها فحياتى وعقبال مقابل كل اخوتى فالمنتدى وبكرر شكرى للاستاذ محمود شلبى لانه بجد انسان محترم لاتهمه الماده قدر اهتمامه بإنماء الهوايه ولانه غير مستغل وبيبيع الرش بتمنه مش زى المحلات الكبيرة اللى مستغله الموقف واديتنى العلبه ب8 ج بالعافيه بعد مكان مصر على 9 ج لنمرة 1 و10 ج لنمرة 2 وبجد عنده رش محمل وتحفه وكمان عنده الرمايه تمام ولوز اللوز وطبعا كل الشكر لحبيبى واخويا عادل على الفرصه وعلى احلى نصايح وتعديلات عملهالى فالكرال والرمسيس ربنا يكرمه يا رب ويزيد محبه الناس له اكتر وادى صور احلى لقاء فالدنيا من المبدع استاذ محمد وفيق من اليمين الدكتور محمد حسن ثم العبد لله واسفل اليمين الاستاذ محمد وفيق ثم البرنس عادل عبده   من البمين البرنس عادل ثم البروفسير محمود شلبى ثم الدكتور محمد حسن  البروفسير محمود شلبى  البروفسير محمود شلبى  من اليمين العبد لله ثم الاستاذ عبد الكريم ثم الاستاذ محمد وفيق ثم البرنس عادل ثم الاستاذ عبد الرحمن  البروفسير محمود شلبى والاستاذ محمد وفيق  محل البروفسير محمود شلبى  ودول صورتين من تصوير الاستاذ عبد الرحمن   معلش صدعتكم تحياتى يا رجاله
__________________
التعديل الأخير تم بواسطة pooforever_2010 ; 12-01-21 الساعة 04:59 PM |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لقاء الجبابرة | mero1x | صور وفيديو الصيد ورحلاته | 47 | 11-09-09 10:34 AM |
| الشاب الذى أسقط العلم الإسرائيلى. احمد الشحات | hamam | الموضوعات العامه | 14 | 11-08-23 10:23 AM |
| الفيديو الكامل للبطل احمد الشحات اللي رفع علم مصر | Karim Eid | الموضوعات العامه | 3 | 11-08-23 07:54 AM |
| الفيديو الكامل للبطل احمد الشحات | Karim Eid | الموضوعات العامه | 0 | 11-08-23 04:15 AM |
| حد شاف البطل احمد الشحات فى الثورة عمل اية ؟؟؟ تعالوا | elexlns1 | الموضوعات العامه | 4 | 11-08-22 09:38 PM |
العرض الشجري