مكان الصيد السري

[amhamed]

المشاركة الأصلية كتبت بواسطة modmod

يا استاذ احمد حامد انا بس عايز اقول لحضرتك علي حاجة مهمة
هنا في مصر للاسف الشديد صعب جدا انك تسال حد عن مكان للصيد ويفيدك لان ده حصل معايا شخصيا وكذا مرة مش مرة واحدة وبعدين للي بيقول ان في ناس مستجدين في الصيد انا الحمد لله بقالي اكتر من 20 سنه بضرب ببنادق الصيد ومع اني مقيم في الخارج الواحد لما بيطلب اي خدمة من اي حد غاوي صيد في الخارج والله مش بيتاخروا في خدمته مش عارف الناس بقت عاملة كده ليه في مصر فعلا انا مش لاقي اي تفسير للموضوع ده كانه سر نووي بصراحة مش عارف
ربنا يشفي ويهدي هذه النفوس

انا لما كتبت ده كان في بالي نفس راي حضرتك لكن بعض الاعضاء ومعاهم حق عاوزين يحافظوا شوية علي الاماكن الكويسه من ناس قد تكون قليلة الخبره او ماعندهاش ضمير تروح وتعمل مشاكل

والي يزعل بجد ان البعض حاسس انه اكتشف اكتشاف علمي يجب ان يسجل باسمه في كتب التاريخ انه لقي مكان فيه حمام مثلا وشايف انه تعب لحد ما لقي المكان ده مش هايقولهولك بالساهل كده (نظريه غريبه لان ربنا قادر يخيهولك مهجور من كل الطيور ورجعهم بقي بشطارتك)

لكن لو تعاوننا في نشر الهوايه وايقن كل منا ان رزقه مش هاياخده غيره هانكون احسن كتير

وعلي الجانب الاخر فيه اكتر من عضو محترم ساعدوني ودعوني اني انضم ليهم بس المسافه بعيده شويه وان شاء الله اقابلهم اتشرف بيهم ومش مهم الصيد خالص