|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-01-28, 11:43 AM
|
#1 |
|
المشرف العام
تاريخ التسجيل: Mar 2011
المشاركات: 6,676
معدل تقييم المستوى: 438   |
خطوبه محمد سعيد
يا صباح الخيرات
طبعا الكل عارف الحاله ولازم نفرفش يلا بينا فى احد الايام السوداء التى لم تطلع فيها شمس محمد اتجنن واتخبط فدماغه وقرر ان يأخد خطوة مهمه نحو التهلكه ( اسف نحو الامام ) وفى اليوم المشئوم ذهب لبيت العروس التى بينها وبينه قصه حب فظيعه جدا جدا جدا والد العروس - منور يا ابنى محمد - ده نورك يا عمى والد العروس - اشرب النعناع محمد - ميرسى والد العروس - كنت عاوزنى فى ايه بقى؟ محمد - يا عمى انا يسعدنى ويشرفنى انى اتقدم واطلب ايد بنتك سوسو والد العروس - والله يا محمد ياابنى ده انا اتشرف بس انا معرفش حاجه عنك محمد - ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى والد العروس - يعنى اسال عليك فى الاماكن دى؟ محمد - طبعا وانا معروف جدا هناك ودى مبتكذبش اسال بس عن البوووو والد العروس - مين؟ محمد - البوووو ........ انا.... ده مفيش حد على النت ميعرفنيش والد العروس - طب ياابنى شغلتك ايه؟ محمد - يا عمى انا مشرف والد العروس - ايوه يعنى بتشتغل ايه؟ محمد - مشرف قد الدنيا فى قسم (يعنى يا عمى رئيس قسم)انت فاهمنى ؟ والد العروس - والله كويس جدا كمبيوتر يعنى محمد - تقدر تقول كده والد العروس - طيب حلو اوى مهندس كمبيوتر شغلانه مشرفه طب ماقلتش ليه كده من الاول؟ محمد - اصلى مش مهندس اصلا انا مدرس والد العروس - الله .............طب ما علينا بتشتغل فين؟ محمد - على الكمبيوتر بتاعى والد العروس - ايوه يعنى فى شركة ايه؟ محمد - لا تبع نفسى والد العروس - وماله الشغل الحر مفيش احسن منه طيب شركتك فين ولا فاتح محل؟ محمد - لا فى البيت عندى عادى والد العروس - طيب بتقبض كام؟ محمد - لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته والد العروس - طب اخر موقع اخدت فيه كام؟ محمد - لا اخر موقع ده كان لواحد صاحبى دخلت فيه مشرف مجامله والد العروس - لا حول ولا قوة الا بالله.... طيب معندكش اى املاك اراضى عمارات اى حاجه يعنى؟ محمد - اه طبعا عندى والد العروس - ايوه .......... عندك ايه؟ محمد - منتدى يا عمى والد العروس - ده ايه ده بقى ان شاء الله؟ محمد - ده برده على النت بس عندى فيه دلوقتى عشرين الف عضو يا عمى والد العروس - ياه عشرين الف وبيدفعولك كام ؟ محمد - لا مش بيدفعوا ده انا اللى نفسى ادى الناس فلوس عشان تشترك والد العروس - لا حول ولا قوة الا بالله طب ليه ياابنى الغرامه دى وعامله ليه؟ محمد - منا بكسب من الاعلانات يا عمى انت مش معايا ولا ايه؟ والد العروس - حلو اوى المنتدى بتاعك ده يشيل كام اعلان؟ محمد - ممكن لحد عشرين والد العروس - طب وبعت الواحد بكام؟ محمد - لا لسه محدش اعلن عندى لسه والد العروس - طب ياابنى عايش منين ولا بتصرف منين ولا حتى هتعيش بنتى منين؟ محمد - منين ايه بس يا عمى ده انا معايا فيزا محدش فى شبرا الخيمه عاملها ( هيه مفيهاش فلوس بس معايا مش مع حد ) والد العروس - ياابنى فيزا ايه بس بقولك هتجيب فلوس منين؟ محمد - من شغلتى والمواقع اللى انا بشرف فيها والد العروس - وهى فين دى؟ محمد - منا مديلك لسته بيها هنستعبط؟ والد العروس - لا ياابنى انا مجوزش بنتى لواحد شغلته فى الهوا كده محمد- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس وحعدى مع اللى عدوا والد العروس - وله>>> ياواد انت ( يا اللى خنقت اللى جابوا تيييييييييييييييييييت ) محمد - نعم ( بأحترام ) والد العروس - انت عارف لو غمضت عينى وفتحتها ولقيتك قدامى هعمل فيك ايه؟ محمد - ايه؟ والد العروس - امشى اخرج بره "يخرج البوووو بره جرى" والد العروس- اىه يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه ودى كانت قصه حياتى ههههههههههههه
__________________
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أدخل يا محمد أحمد العنانى لو سمحت .. | ahmedmh_ali | الموضوعات العامه | 34 | 12-01-04 04:18 PM |
| عيد سعيد | يهاء | الموضوعات العامه | 16 | 11-08-31 04:04 AM |
| عيد سعيد | cono | الموضوعات العامه | 4 | 11-08-31 04:03 AM |
| عيد سعيد | cono | بنادق ضغط الهواء ومتعلقاتها | 4 | 11-08-31 12:02 AM |
| عيد سعيد | salahfareed | الصيد العام | 7 | 09-12-10 11:16 PM |
العرض الشجري