معلومات مفيدة من أخوكم فى الله /سامى توفيق

[صياد قديـــــــــــم]

كتير مننا بيروح يصطاد فى اماكن بتكون وكانها الغابة الخاصة بيه وده بالنسبة ليا بردو لان هواية الصيد فى مصر بقت قليلة اوى واللى عندهم بنادق من زمان بقت بالنسبة ليهم حاجة من ممتلكاتهم ومركونة على الرف وعشان كدا انا بعمل الاتى لما بنزل اصطاد
اى ارض او جبل بروحهم بلاقى الطير بيحط فى اماكن معينة وهيا الاماكن اللى بيبقى ليهم فيها رزق وخير وانا باخد معايا ذرة صفرة ولب سورى او اللى بعض الناس بتقول عليه لب صينى
باخد الذرة المجروشة واللب بكسره فى الهون والاماكن اللى بيحط فيها الطير برمى فيه الاكل ده وبصطاد وبمشى ولما برجع فى اى يوم بلاقى الطير كتر عن الاول وكانه لقى مبتغاه فى الرزق واوقات بقلب الصيد وبدل ما يبقى بالبندقية بصطاد بالفخاخ وباخد حمام ويمام صاحى وكمان الايام دى طول الشتا بنلاقى موسم عصافير الزينة زى الحسون والزبرة وبغبغانات متعددة فيه منها بييجى فى الفخاخ ولكن انا بقى فى صيد طيور الزينة بعمل الاتى
بعمل صفين من الشجر القصير اللى طول الشجرة ميتعداش نص متر زى شجر الكوديا اللى بيبقى موجود على اى جبل
بيبقى طول الصفين مترين او تلاتة
والمسافة ما بين الصفين بتاع متر كدا
وفى النص ده بقى برمى فتافيت اللب وعلى الصفين بنصب المخيط وبيكون معايا موبايل صينى من اللى صوته عالى وبيبقى عليه صوت مسجل صوت (الحسون او الزبرة او اى صوت بغبغان) وبحط الموبايل ده تحت اى صف من الشجر والطيور لما بتسمع الصوت بتهل وبتيجى تاكل ومنها اللى بيقف على المخيط باخده وبيكون معايا قطن وسبرتو عادى عشان امسح ريشهم مكان المخيط واحط فى القفص واخر الرحلة اجرى على محل بيع الطيور اللى بتعامل معاه وبيع ياريس وربنا يزيد ويبارك
تمنياتى لكم بصيد وفير ورحلات ممتعتة وصيد ممتع باذن الله تعالى
معلومة اخيرة ...... عشان نجيب اى صوت طائر فده موجود على النت وبمجرد اننا نكتب صوت طائر كذا حيجيلنا التسجيل نحمله وننزلو على الموبايل وكله فى التمام
اخوكم فى الله /سامى توفيــــــــــق