|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-02-04, 06:04 PM
|
#1 |
|
عضو مميز
تاريخ التسجيل: Dec 2011
المدينه: Cairo
المشاركات: 4,744
معدل تقييم المستوى: 302   |
مقارنة : خدمة Easy Shop من DHL و خدمة Shop&Ship من Aramex
الموضوع ده عشان لو في حد محتار بين الشركتين دول
مبدئيا بس ... أوضح إيه الخدمتين بالظبط الخدمه دي هي عبار عن عنوان ليك في أمريكا تقدر تشتري من أي موقع و تشحن علي عنوانك هناك و الشركه تجيب لك اللي انت إشتريته لحد مصر تعالوا بقا نمسك المقارنات مع العلم إني اللي جربتها هي خدمة DHL و مره واحده و المعلومات بتاعة الشركتين كلها جبتها بالتليفون و لكن Aramex معظمها إيه أحسن شركه في الاتنين ؟؟ طبعا ده السؤال اللي كله بسأله و لكن زي ما احنتوا عارفين الحلو مايكملش و كل شركه ليها حلوها و وحشها و هنشوف الحاجات دي في باقي الموضوع إيه تكلفة فتح الحساب ؟؟ تكلفة فتح الحساب في DHL هي 150 تكلفة فتح الحساب في Aramex هي 250 طيب ليه Aramex أغلي من DHL ؟؟ Aramex بديك عنوانين .. واحد في امريكا و التاني في انجلترا DHL بيدوك عنوان واحد في أمريكا و لسه مش متوفر موضوع إنجلترا ده إيه المده بتاعت الاتنين ؟؟ مدي الحياه الحساب هيطلع في قد ايه ؟؟ DHL هيطلع في 5 دقايق و انت واقف Aramex هياخد 24 ساعه و ماتنساش صورة البطاقه معاك طيب إيه أسعارهم في الشحن ؟؟ Aramex أول نص كيلو بـ62جنية و كل نص بعد كده بـ45 DHL أول نص كيلو بـ85 جنية و كل نص بعد كده بـ45 إيه المده اللي الحاجه هتيجي مصر خلالها ؟؟ DHL لما سألتهم قالولي في طياره بتتحرك كل يوم لينا، يعني خلال 3 أيام هتلاقي حاجتك عندك (و دي جربتها بنفسي) Aramex قالولي طياره كل أسبوع و الحاجه خلال 7 ايام هتكون عندك مع ان في ناس بتقول بتوصل في أقل من كده |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| خدمة الصيانه الجديده فى محل خضر | trainman | الورشة | 12 | 11-09-04 01:53 PM |
| خدمة الصيانه من محل خضر | trainman | محلات الاسلحه وادوات الصيد | 0 | 11-09-04 01:20 PM |
| Aramex shop&ship.. | Pellet-Master | بنادق ضغط الهواء ومتعلقاتها | 1 | 10-04-09 11:06 PM |
| أخيرا خدمة Gps هتشتغل فى مصر | Gamo | الصيد البري وادواته | 2 | 09-05-20 11:04 AM |
العرض الشجري