شكرا ايها الخونه

[kiko_2015]

السلام عليكم و رحمة الله و بركاته

طبعا انا كنت اتكلمت قبل كده في موضوع اصابة ابن خالتي احمد بطلق ناري في مظاهرات السويس بعد ماتش بورسعيد في الرقبه و الطلقه ادت لشلل رباعي تام

طول الفتره اللي فاتت كنت بحاول اوصل لاي مسئول يساعدنا نعمل ايه او نتصرف ازاي..و بعت ايميلات لكل المسئولين في مصر

عارفين مين اللي رد عليا ؟؟

1 - الدكتوره عزه اسماعيل من حزب غد الثوره الذراع اليمين للدكتور ايمن نور .. في الحال كلمتلي محامي عشان يرفع قضيه و يثبت حقوق احمد و كمان التعويض ..

2-الدكتور علاء الاسواني..بعتلي رقم تليفونو و قاللي اقابله في ندوته الاسبوعيه لان الموضوع خطير و الكلام مش هينفع ف التليفون

3- الناشطه اسماء محفوظ .. كلمتني ع الموبيل و قامت بعمل اتصالات فوريه بالسفاره الالمانيه عشان يسفروا احمد يتعالج علي حسابهم..مش كده و بس..النهارده عملت دعوه علي حسابها علي تويتر لزيارة احمد في المستشفي للرفع من روحه المعنويه و ده لينك الدعوه علي حسابها علي تويتر https://twitter.com/#!/AsmaaMahfouz

الغريب واللي ادهشني ان اللي ردوا عليا و اهتموا بقضيتي كلهم ممن يتهمهم الناس بالخيانه والعماله بينما لم يلتفت لي احد من مجلس الشعب او برامج التوك شو او الوزاره ..

و اذا كان علاء الاسواني و ايمن نور و اسماء محفوظ خونه.. ف والله لا انسي عمري جميلكم هذا
و شاكركم من كل قلبي