اعمل عبيط

[Karim Eid]

لما تعرف ان في وفد من حماس في مصر من امبارح عشان يعزي النادي الأهلي في ضحاياه ، وتلاقي الاعلام كله عامل نفسه من بنها ولا كأن حاجه حصلت

ولما تعرف ان مافيش حد من الحكومة وفر لهم مكان يقعدو فيه ويقضو ليلتهم وهو وفد رسمي جاي يعزي ... لا ويتطلب منهم فلوس عشان يشوفو مكان يبيتو فيه

يبقى اعرف انك في مصر

لما حزب الحرية والعدالة ينظم مسيرة يوم السبت اللي فات من دمياط بمشاركة 150 عربية لبورسعيد لرفع الروح المعنوية للأهالي وكسر حالة الجمود التجاري في المدينة
وبرضه الاعلام عامل نفسه من بنها....... اعرف انك في مصر

لما تلاقي النهارده قافلة من الحرية والعدالة من اسكندرية بمشاركة 300 عربية و25 نائب بمجلس الشعب متجهة لبورسعيد لكسر الحصار عن المدينة وفي نفس الوقت حزب النور عامل قوافل من مختلف المحافظاااات لنفس الهدف وبرضه الاعلام عامل نفسه من بنها.... يبقى اعرف انك لسه في مصر

انما لو قلنا ان محمد ابو حامد راح بورسعيد وعمل مؤتمر
هتلاقي الاعلام عمل نفسه من بورسعيد