العيب مش فى السلاح لكن العيب فى الشرطه

[محمدعرب]

الحمد لله والصلاة والسلام على رسول الله- وبعد-- ليه الحكومه المصريه محرمه السلاح النارى وبيصدر فى حق من يحوز السلاح النارى أحكام تصل للأشغال الشاقه --- لماذا كل هذا ؟ لما أنسان يدخل عليه البلطجيه ( يد الشرطه الخفى) ويثبتوه ويأخذو منه عزال بيتوا يدافع عن نفسه ازاى ؟ لما انسان تتسرق منه سيارته أمام عينه ولا يستطيع الدفاع عنها يعمل ايه ؟ لما تتثبت أنت وزجتك فى الشارع تدافع عن نفسك ازاى ؟؟ ايه هتبلغ الشرطه وتقول لهم تعالى امسكوا البلطجى دا علشان بيثبتنى؟؟؟؟ وبعدين مش السلاح النارى بس هل المتسبب فى القتل -- ممكن بمفك تقتل انسان ! وممكن بعصا تقتل انسان وممكن بطوبه تقتل انسان وممكن بأشياء كثيره صح أصبح العيب مش فى السلاح لكن العيب فيمن يمسك الاداه من سلاح أو عصا أو ظلطه والعيب عند الشرطه علشان كل رئيس مباحث عارف البلطجيه الخطرين الموجودين فى مركزه ليه مابيقبضشى عليهم .؟؟ ليه الحجز مليان سلاح ومخدرات ؟؟ ليه البلطجيهما الخطرين ما يروحوا المعتقلات ويشغلوهم فى اى شىء يجيب عائد للبلد ؟؟؟ ليه السلاح والمخدرات ممنوعه وعندنا أمناء الشرطه المسئولون عن الاستيفا بيبيعوا المخدرات والمطاوى للبلطجيه داخل الحجز بضعف السعر ؟؟؟؟ ( ليه الحكومه ما تسمحشى بترخيص السلاح لكل الناس وأى شخص يعتدى على الاخر يحاسب حساب شديد؟؟ وعلى فكره أى بلطجى يجى يعتدى على أى انسان ويثبتوا هيخاف لانه عارف ان معاه سلاح يدافع به عن نفسه _ سلاح يحفظ بيه كرامته_ سلاح يحافظ به عن عرضه _ ولا يستنى لما يتهان ويضرب ويتهتك عرضه وبعدين يبلغ الشرطه وفى الاخر لما يمسكوا البلطجى يأخذ له سنه سجن وايه السجن فى مصر حلوه ( اسأل مجرب) كله حشيش وبانجوا وكل حاجه حلوه -- والاسلام لم يحرم حيازة الاسلحه للدفاع عن النفس-- وتحيا مصر