صياد فاشل

[fidodido]

السلام عليكم اخواني الصيادين
انا عارف ان العنوان غريب بس ده لقبي الجديد
امبارح صاحبي كلممي و قالي عاوز انزل اصتاد معاك و هوا لسه جايب نوريكا 61 مستعمله و الصراحه اتضحك عليه غيها بس انا رسيته علي الموضوع
عموما نرجع لموضوعنا
هوا جالي بالظبط الساعه 8.30 بالعربيه بتاعته
المهم و صلنا عند بيته في السيده زينب في منطقه زينهم امام المحكمه العليا
فطرنا الحمد لله و قولنا ننزل نسخن نفسنا شويه و ناكد علي النشان بتاعنا
انا الحمد لله نشاني كان مظبوط من مسافه حوالي 7 متر و هوا بندقيته كان نشانها ضايع
قولت اعمل فيها عنتر ابن شداد و بصوت قوي قولتله هات يا حج اظبطلك النشان
و بدايه الفشل ماعرفتش اظبطه
تاني حاجه قولنا نطلع بالعربيه ناخد جوله و فعلا لاقيت اول يمامه علي الارض و رحت كاسر الرمسيس و هوب اول يمامه
طبعا فرحت جدا " ملحوظه انا كنت مثبت ايدي علي شباك العربيه"
و تاني فرد لاقيته فوق شجره مع ان مساحه العربيه حلوه لانها شوفرليه فان بس قولت انزل اضربه و انا واقف
و طبعا الرشه ماجتش فيه و خلع
و يتكرر الموقف اني معرفش اجيب الرشه و انا واقف
عموما الحمد لله ربنا رزقنا بخمس فرد يمام و كانو من نصيبه علشان هوا ما اصتادش و انا نسيت اصورهم
عموما انا اكتشفت حاجه و ده اللي خلاني اقول اني فاشل
اني معرفش اصيب خاجه غير لما اكون ساند ايدي علي حاجه ثابته
و الموقف اللي عاجبني النهارده
و احنا بنجرب نشانا جه ضابط من الموجود امام المحكمه
قولت مع السلامه احنا كده
و هناخد الحكم فوري و عليه سنتين حبس هديه هههههههههههههههه
المهم لاقيت الظابط
:: يتعملوا ايه
انا : و الله احنا بنحاول نصتاد
الظابط : وريني البندقيه دي كده
انا : اتفضل و الرش اهه
و فوجئت ان الظابط بينشن معانا علي الورقه اللي احنا معلنا و بسم الله ما شاء الله من اول ضربه جت في السنتر علي طول و اداني البندقيه و قال و الله احنا لسه شباب و راح ماشي ههههههههههههههههه
و معلش طولت عليكم *