هجوم سريع ومفاجئ لمكانى المفضل واكتشاف السر !!

[قناص المنوفيه]

السلام عليكم

صباح الخير يا رجاله المنتدى الكريم
قامت القوات البريه صباح اليوم بقياده الرائد قناص المنوفيه اللى هو انا
والنقيب زميلى اللى بيصطاد معايا دايما وللاسف ملقناش عساكر عشان يحموا ظهرنا
بشن هجوم سريع ومفاجئ ع الوحده الزراعيه المهجوره بمدينتنا الصغيره لمعرفه أسباب
اختفاء الحمام البرى من المكان وتقلص عدد الطيور كاليمام واليمام القمرى والبلابل
فكانت المفاجأه بأن الطيور الجارحه هى التى تهاجم برج الحمام و تسرق البيض والزغاليل
وتم عمل اللازم وقمنا بقنص حوالى 6 غربان اخدوهم الفلاحين لربطهم
على ابراج الحمام تبعهم لتطفيش الغربان وللاسف مصورنهمش
لانى اتلهيت فى الصيد ونسيت خالص ولاحظنا بومه كبيره متوحشه تهاجم برج الحمام
سبناها مرتين تلاته ولكن لا حياه لمن تنادى اخدت قرار بصيدها :mad:بعد ما شفتها بتدخل جوه
بنيه الحمام فى البرج وتطلع وماسكه فى رجليها زغلوله صغيره لسه ما ريشتش حتى
سمحونى وعدتكم بعدم ضرب الصقور ووفيت والبوم ولم اوفى بعدما شفتها بعينى والحمام
بيطير منها وبيطفش وتم اصطياد حوالى 20 فرد يمام و3 حمامات كان اللى فى الصور
من نصيبى والباقى لزميلى وضربنا كيشتين بس للاسف غطسوا بس اتصابوا وفقدنا
حوالى 5 يمامات للاسف اللى القطط خدته وجريت واللى وقع فى القمح واتفضلوا الصور أسف للاطاله ..