'طلعة الجمعة وعودة الى الرويال

[فوزى السيد]

السلام عليكم دى طلعة امبارح الجمعة من 6 الصبح حتى 11 قبل الصلاة وكان الجو حر نار لاكن كانت رحلة ممتعة والصيد كان وفير والحمد لله طبعا انتو عارفين انى بقالى 5رحلات بطلع بالسلافيا المرة دى طلعت بالرويال فى اول الرحلة كانت الدنيا مش مظبطة معايا لان مسكة الرويال غير السلافيا فكان فى لغبطة شوية وكل ما اجى اضرب اضغط على مؤخرة البندقية على اساس انى بضغط الامان زى السلافيا ولما اجى اكسر الدراع انسى اكسر من الماسورة بس الحمد لله الموضوع مطولش هما اول سبع تمن رشات وبعد كدة رجعت لشغل الرويال الحصيلة كلنت 18 فرد يمام و6 حمام وضاع فى الزراعة وجوا الغيطان اكتر من 10 يمامات لكن الحمد لله استمتعت بالرغم من سخونة الجو وكان يوم جميل واسيبكم مع صور الحصيلة
ملحوظة الصور ناقصة شوية يمام اديتهم لواحدة ست كانت عيزة تشترى منى واديتها 7 يمامات وعملتلى شاى ودعتلى احلا دعوة قالتلى ربنا يديك الصحة ويوسع رزقك