وداعاً للسوست ووجع الدماغ

[sghr220]

السلام عليكم و رحمة الله و بركاته
مبدئيا يا اخواني صلوا علي النبى و وحدوا الله الموضوع طالما لم يخرج عن الهوايه اللطيفة و المناقشة العلمية المفيده يبقا مفيش مشكلة و تاني اقولكم انتم اخوة و حبايب و اللي عاوز يستورد يتفضل أهلا و سهلا و يحجزلي واحد كمان و اللي عاوز يصنع (بلدي يعنى) براحته طالما في المصلحة العامة للأعضاء و بالأصول و ملهاش لزمه حرقة الدم.
الأستاذ الفاضل محمد أنور سعدت جدا بمشاركة سعادتك المفيدة و على فكرة انا متابع جيد لمشاركاتك و رحلات الصيد الجميلة في اوروبا و فيديوهات اليوتيوب و نفسي ان شاء الله لما يكمل موضوع الجاز رام يعجبك انت وكل الأساتذة الكبار في المنتدي. و اسمحلي في كام تعليق بسيط:
اسم الجاز رام و لو اني عارف انه لا حيقدم ولا حيأخر اسم شهرة اكتر منه وصف علمي دقيق فهو له اسامي كتير ذي gas ram gas strut nitro piston gas spring .
سعادتك اخترت بندقية اللهم صلي علي النبي معقدة شويه (في التعديل) كمثال للشرح و لكن في بنادق تانيه كثيرة ذي الجامو و النوريكا و بعض و اقول بعض الديانات و البي اس ايه تعديلها سهل و ممكن جدا بدليل توفر الجاز رام لها بالخارج كتعديل متاح.
معلش كلمة اخيرة ننسى البنادق و الشركات شوية و نتكلم في هندسة الجاز رام نفسها سواء كان الثيوبين او غيره سعادتك اكيد عارف كل جزء بداخله و فائدة كل جزء ...ايه المعقد الي حضرتك شايف انه مينفعش يتعمل محليا ؟ او ايه المواد الخام او التصميمات المقصورة و الحصرية علي الشركات المصنعه له؟ (شوية كلام بسيط لا هوه اختراع و لا سحر و موجود و الله شبيه له في شنط السيارات ذي ما تفضل الأستاذ محمد كمال) و بعدين واجب على الانسان طالما توفرت له الفرصة للتجربه انه يجرب و يتعلم و بالتأكيد حيستفاد و يفيد من حوله (ذي ما حضرتك بتجرب مثلا بندقية جديدة و تقول عليها) و هذا هو الغرض من المشاركة اساسا.

"من اجتهد و اصاب فله اجران و من اجتهد و اخطأ فله اجر"

الخلاصة يا اساتذة و آسف على الاطالة انا بحاول اعمل تعديل بسيط في بندقيتي الشخصية (و بندقية حبيبي عشان وعدته) و فتح الموضوع للمناقشة مع زميل او الاستفاده من علم احد الاخوان او منفعة احد الزملاء هو الغرض من المنتدى و أي منتدى.
اخوكم محمد صفوت