بالزمه ده اسمه كلام يارجاله

[القبطان المصرى 77]

بسم الله الرحمن الرحيم
بصو بقى انا عاوز اتكلم فى موضوع عالماشى كده
بس اهم حاااااااااجه مش عاوز حد يزعل منى
ولا عاوز حد معين مثلا ياخد الكلام على نفسه
انا باتكلم كلام عام وباتكلم عن ظاهره اكييييييد كلنا واخدين بالنا منها الفتره الاخيره
وهى
اننا نشوف عضو من الاعضاء بيقول انه ضرب يمامه على مسافة 100 ونزلت خلصانه
لدرجة انى والله شوفت مره مشاركه لعضو طيب قوى وابن حلال
مش فاكر اسمه كان بيقول انه اصطاد يمامه على بعد 140 متر
بالزمه ده اسمه كلام يارجاله
هو حد كان قالكو اننا هنود ولسه جايين من الهند راكبين فيل ابيض

وممكن تلاقى واحد تانى بس شكله قلبة ابيض زياده عن اللزوم
بيقول انه ضرب ناموسه كانت واقفه فوق العلم المصرى على مسافه 80 متر
وبرده نزلت مقفوله
مش عارف ازاى
ياعم خليك حلو بقى ومتعرضهاش قوى كده
ههههههههههههههههههه
طبعا احنا عارفين كلنا ان فعلا الكلام ده ممكن يحصل انك تضرب حاجه على المسافه دى
بس قلييييييييييل اوى لما بتحصل وبتبقى ضربه فيها توفيق من عند ربنا كبير
لكن الغريب اننا بقينا كلنا قناصين مسافات طويله
ومش عيب اننا كلنا نبقى قناصين
لكن خليكو فاكرين اننا لسه بنتكلم عن بنادق رش مش حاجه تانيه
وخايف كمان شويه الاقى واحد جاى يقول انه وقع طياره كانت معديه من فوق السطوح
وبرده نزلت مقفوله بركابها
صلى على النبى بقى ياعم الحاج فى قلبك

وفعلا الحمد لله مصر فيها قناصين عظام
لكن خليكو فاكرين اننا هنا بنتكلم عن
بندقيه رش
يعنى هوا
يعنى مش بنتكلم على بندقيه قناصه بجد

يعنى مش بنتكلم على مدافع ولا صواريخ
ومهما كانت البندقيه اللى معاك قويه وماركه محترمه لكن برده مش هاتعرف تجيب المسافات دى غير بقناص محترم
بندقيه محترمه
منظار محترم غير المناظير التعبانه اللى معانا دى
والمشكله انك ممكن تلاقى واحد بيقول انه ضرب عصفوره على مسافة 80 متر
وتيجى تبص على البندقيه اللى معاه تلاقيها سرعتها اخرها 160 متر
طب ازااااااااااااااااااااى
انتو هاتجننونى ولا ايه


انا عن نفسى بقالى 17 سنه باصطاد
واتخن مسافه وقعت عليها يمام كانت تقريبا 53 متر
وانا كنت الاول فى الرمايه على مستوى الكتيبه بتاعتى ايام الجيش
عشان محدش يقول ان انا اعمش ولا حاجه ومش باشوف

وعلى فكره الضرب على 30 و40 و50 و60متر دى مسافه معقوله اوى مش قليله يعنى بالنسبه لبنادق الرش
لكن 80 و100 دى نادر لما بتحصل
وانت اصلابعد الـ80 متر مش هاتشوف اليمامه غير مجرد خيال
فأرجو من الصيادين المحترمين تقدير المسافه جيدا حتى يكون هناك مصداقيه للروايه
وده برده مايمنعش ان فيه صيادين وقناصين كبار ومعهم بنادق محترمه للصيد على مثل هذه المسافات الطويله
و انا كان حصل معايا موقف قبل كده
كنت قاعد انا وواحد صاحبى وهو وبيحكيلى انه ضرب يمامه على مسافة 70 متر فى المكان الفلانى
وفى يوم خرجنا انا وهو للصيد ورحنا نفس المكان
وشاورلى وقاللى ان اليمامه اللى هو ضربها وحكالى عنها كانت واقفه على الشجره اللى هناااااااااااك دى
بصيت للمسافه وقلتله ياعم دى عمرها ماتيجى 70 متر دى اقل بكتير
وهو يحلف انها اكبر وانا احلف انها اقل بكتير
وبالعند قمت جايب شريط متر وقسنا المسافه ولقيناها بالظبط 46 متر
وارتفاع 4 متر
انا عارف ان طبعا اكيد فيه ناس كتير مش قاصدين الغش او الفشخره
ممكن يكون الموضوع عدم توفيق فى تقدير المسافه مش اكتر
وفيه ناس كتير اوى مش بيكون عندهم خبره فى موضوع تقدير المسافه فبيضرب اى رقم يجى فى دماغه وخلاص
وشكراااااااااااااا على سعة صدركم جميعا
وعلى الله اسمع حد منكو بيشتم بقى

سامعك ياللى بتشتم ومستخبى ورا الكمبيوتر انت
وكوباية الشاى فى ايدك
لو شفتك هاعصرك وانزل منك صيادين صغننين
ههههههههههههههههههههه

من مواضيعى

بالذمه ده اسمه كلا يارجاله
http://www.egypthunt.net/showthread.php?t=30091
مذبحة الجمعه بالكرال
http://www.egypthunt.net/showthread.php?t=28543
رساله الى كارهى الكرال
http://www.egypthunt.net/showthread.php?t=29417
كنا هانروح فى شربة ميه
http://www.egypthunt.net/showthread.php?t=30036
الشرح الكامل لقنص الاسماك بالبندقيه
http://www.egypthunt.net/showthread.php?t=29067
طلعة النهاره اهداء للرئيس المصرى القادم
http://www.egypthunt.net/showthread.php?t=30185
طلعة ساعه متنوعه
http://www.egypthunt.net/showthread.php?t=28988
طلعة ساعتين الصبح قبل الشغل
http://www.egypthunt.net/showthread.php?t=29990
الموضوع الشامل عن صيد اليمام ودجاج الماء ليلا
http://www.egypthunt.net/showthread.php?t=29886
نص ساعه صيد والقطه الشقيه
http://www.egypthunt.net/showthread.php?t=29646
شرح متكامل عن تمويه البنادق تجربه على الكرال والبى اس ايه
http://www.egypthunt.net/showthread.php?t=28907
تمويه الbsa بتاعتى وارجو التقييم
http://www.egypthunt.net/showthread.php?t=28570