الاستفسار عن سعر ومكان البيع والتقييم

[waleedrahmy]

اخى العزيز بعد تجارب كثيرة
احسن بندقية علي الاطلاق الديانا 52 وهقولك مميزتها وعيوبها
1 -دقة من ادق بنادق في العالم
2- قوه اقوي بندقية بعد الباتريوت والماجنم والفرق مش كبير ويمكن توصل سرعتها بسوستة تايتن 280متر علي الثانية برش خفيف ( البرو ماجنم مثلا ) نمرة 2 ودي سرعة جبارة ومتصدقش الكلام الي علي النت لان السرعة في ال56 بالقاس الفعلي لا تتعدي 245متر والbsa السوبر ستار 198متر
3 -خامات عالية وخاصة الجلدة ممكن تعقد معاك سنين ( زلطة )
4 - بندقية لها اكسسوارات كثيرة جدا في العالم لانها في الخدمة من فترة طويلة
5- قطع الغيار متوفرة في مصر وفي الخارج
6- نفس الاجزاء الميكانيكية الاساسية في 54 و56 بستثناء مانع الارتداد ( انا مش مقتنع بيه اساسا واحتمالات تعرض البندقية لمشاكل كثيرة بسببه )
7- سعر معقول نسبيا قياسا للاسعار الاخري
8- ماسورة ثابته ودي ادق عند استخدام الاسكوب ولا تتعرض للتلف عند التعمير
العيوب
1- الوزن ودي حاجة ممكن تتعود عليها
2 - الناسنكان الامامي تخين نسبيا وممكن تتعود عليه

طبعا حضرتك قلت الخلاصة المفيدة
واحيك علي ذلك
واحب اضيف علي ذلك بص يا باشا ال 52 و54 هم احسن بنادق الديانات
واحسن بنادق في العالم
خصوصا ال54 ويكفي ان اسمها ملكلة الهوائيات وهي اسم علي مسمي
واخدة اعلي تقييم في العالم
بس الاسعار نار دلوقتي
حاتسمع اسعار غريبىة من 7000جم -8500جم