استفسار عن الكرال ياريت حد يفهمنا ايه الموضوع ده

[adel152]

المشاركة الأصلية كتبت بواسطة زياد عثمان مهنا

يا جماعة دلوقتي في موضوع في منتدي تاني بيقول ان الكرال فيها امان تاني غير امان الزناد وهو دراع
انا حنقل النص من الموضوع عشان تفهموا

صوت الاحتكاك اثناء التعمير؟
يوجد دراع متصل بدراع التعمير ووظيفة هذا الدراع هو الامان رقم2
للبندقية حيث يوجد امان رقم1 ويوجد امام الزناد.
الدراع المتصل بدراع التعمير هو سبب صوت الاحتكاك لانه يلامس
السوستة اثناء التعمير.
انا شخصيا حليت هذا الدراع من بندقيتى وضربت عصفورين بحجر واحد
1- منع صوت الاحتكاك
2- يمكننى الرجوع الى حالة عدم التعمير بدون اطلاق الرشة
(بالطريقة المعتادة بمسك الماسورة وضغط الزناد لرجوع السوستة والبستم
الى مكانهم الطبيعى)
ودى صورة الدراع الذى يحدث الاحتكاك مشار عليه بالسهم الاحمر.

.......................................
ممكن تفهموني ايه الموضوع وهل لو شلناها ايه المشاكل منها وايه منافعها

المشاركة الأصلية كتبت بواسطة وليد سامى

الدراع دة امان حتى لا تضرب البندقية الا بعد التعمير وفرد الماسورة بعد الكسر يعنى لو مش موجود ممكن البندقية لو ضربت وهى مكسورة الماسورة تتفرد بسرعة وقوة وتعور لا قدر الله وطبعا ما تشيلوش

المشاركة الأصلية كتبت بواسطة القبطان المصرى22

ياباشا الدراع ده امان رقم2
وهو انك لما بتكون كاسر الماسوره لو ضغطت على الزناد البندقيه مش هاتضرب طول مالماسوره مكسوره
لكن لو لغيته وكسرت البندقيه وضغطت بدون قصد على الزناد والماسوره فى وضع الكسر هاتتضرب وترد فى وشك
وممكن تعورك او تعور حد واقف قدامك
ونصيحه منى اوعى تلغيه
دى وجهة نظرى الشخصيه

الصورة الموجودة فى الموضوع وفكرة شيل الدراع ده من موضوعى عن الكرال فى هذا الرابط
http://www.egypthunt.net/showthread.php?t=4437
لكن للأسف الاخ زياد لم ينقل كل المكتوب بخصوص هذا الدراع وتحذيرى للمبتدئين.
بالنسبة للأخ وليد والاخ العزيز القبطان المصرى لو أمنت البندقية بزرار الامان الموجود امام الزناد قبل الكسر مافيش أى خوف من أرتداد الماسورة بدون هذا الدراع.