تجربتي الشخصية و قوة و تأثير البلي على الجماد و الحيوان

[AK_626]

أخواني رجالة منتدى الصيد
احب انقل لكم تجربتي الشخصيه مع مسدسات الصوت المعدله لاطلاق البلي.
السلاح:جاكل ديوال
التعديل: الفتح و الطبة للاستاذ مازنجر
الطلق: أوز تركي فضي 9م (سيء جدا و بحشر احيانا و بيملى المسدس من جوه بهباب رهيب و كمان رايش فضي من الطلق)

بالنسبة للجماد المسدس نجح في اختراق اي شي من مسافة 10 الى 15 متر (سيراميك , خشب , صاج ) و لم اجرب ابعد من كده و تعتبر المسافه دي خطر جدا و لا انصح باطلاقه في حالة الدفاع عن النفس في و جه او رقبة او صدر او قلب المعتدي لانه قد يسبب الوفاه.
3 طلقات في رجله هيعملو اكثر من الازم.

بالنسبه للحيوان فقد كنت رافض اجربه للحرمانيه لحد مااتعرضت لموقف. اتوجه للمقطم اسبوعيا لزياره عائليه في منزل اقارب بجوار ارض فضاء كبيره و قد رأيت ليلا ثلاثة كلاب اثنين بلدي و واحد اسود ليل و شعره كثيف و عامل زي البلاك كوت بس على ضخم كان ماسك قطه حيه من رقبتها زي الاسد ما بيعمل بالظبط و الاثنين البلدي كل واحد فيهم ماسك القطه من ناحيه و بيشدوها عكس بعض لحد ما القطه بقت كفته.
المنظر كان جديد عليا و قلت اكيد القطه استفزت الكلاب و في حاجه خلتني اركز مع الكلب الاسود ده اوي و خصوصا بعد ما ظهر معاه واحد تاني و لانه فعلا ضخم و شعره كثيف و وشه مسحوب !
بعد اسبوع علمت ان بنت البواب الله يرحمها عندها عشر سنين كانت بتعبر الارض دي الظهر و طلع عليها الكلاب و اعوذ بالله خلصوا عليها و فضوا بطنها تماما.
قلت اكيد الكلاب دي هي السبب و قلت لازم اتخلص منهم و فعلا نزلت بالعربيه في الارض و لقيت واحد بلدي قربت من لحد 9 متر و قمت مناوله طلقه, الكلب اخذها و صرخ صراخ جامد و اختفى من امامي في اقل من ثانيه. الدنيا كانت ليل فقلت اكمل الصبح.
يوم الخميس اللي فات ده مباشره لقيت و احد ثاني برضه بلدي قمت مقرب منه و ناولته طلقتين و را بعض اخدهم و صرخ و طب في مكانه, الجمعه بعد الصلاه نزلت مع حماي و هو كبير في السن نشتري شوية حاجات و احنا راجعين مصدقتش عيني , لقيت الكلب الاسود و معاه كلب بلدي بياكل في الكلب اللي موته يوم الخميس قمت مقرب منه و اديته طلقه و المسدس حشر الغريب خد الطلقه و لا صرخ و اتمشى بعيد عنى.
مشيت وراه و اديته الثانيه و دي شفتها جت في ظهره بس برضه ماصرخش و لا جري بس نط و نزل في ارض تانيه و بصيت لقيت العصابه مجتمعه, الكلبين السود و خمس كلاب بلدي.
المهم قلت و حياة امك مانا سايبك و وراه لحد ما قربت منه تاني و اديته الثالثه و حصل نفس الكلام لدرجة قلت يا اما المسدس بايظ يا اما الكلب دا واخد شريط ترامادول.
المهم فضلت و راه و اديته الرابعه و تقريبا جت صح لانه بعد ماخدها جري و فتح ع الخامس و قفل عداد و انا بالعربيه و راه لحد ما وقف و بعدين قعد و بعدين نام على جنبه و اخيرا عوى, نزلت من العربيه و قمت مناوله اربع طلقات ورا بعض و شكرا خلص الكلام.
قلت لحماي يالا نكمل على الكلب الاسود و بقيت العصابه فقالي معلش خاليها الاسبوع الجاي. قلت له ماشي و فبالي انه تعب من الصصبنس و صوت ضرب النار.
و انشاء الله و اراهم الجمعه الجايه و خلاصة التجربه ان البلي مؤلم جدا و مؤثر جدا لو ضرب في مسافه صح و مكان اصح.