أول طلعة لي :)

[م/محمد عبدالله]

بسم الله الرحمن الرحيم
السلام عليكم ورحمة الله وبركاته
ازيكم ياأجمد أعضاء لأقوي منتدي بجد يشرفني اني انضم لهذا المنتدي
الحمد لله اتعلمت من المنتدي كتير جدا وقررت اتابع هواية الرماية عندي ولما بحثت لقيت ان ده افضل منتدي صيد مصري وان شاء الله في القمة دائما
الأول قررت اشتري بندقية رش ولما فكرت كتير وقرات في المنتدي لقيت الافضل ليا دلوقتي الكرال جبتها من عضو كريم هنا متشحمة ومتغيرها سوستة وبجد كانت ممتازة وفاقت توقعتي جدا وبالذات لأني كان عندي رمسيس نمرة 1 وانا صغير اياااااااااااااااااااااااام بقي والحمد لله كمبتدئ مطلعتش وحش قوي يعني كنت رحت عند الاستاذ محمود شلبي ربنا يكرمه اما عرف اني مبتدئ وداخل الموضوع حب اني امارس هوايتي ساعدني جدا وقعد يتكلم معايا كتير ويعرفني كل اساسيات الرماية فادني جدا بحاجات مكنتش اعرفها وحتي بالاساسيات اللي قالي عليها جربت اضرب علبة من علي بعد 30 متر والحمد لله جت فيها ولما نزلت اصطاد النهاردة عرفت قوي قوي قيمة الكلام اللي قالوا الأول نزلت ارض زراعية مش عارف زارعين فيها ايه ده كانت حلوة في العصافير بس مكنش فيه يمام خالص وبعدها رحت ارض تين شوكي كان فيها يمام وعصافير الحمد لله ربنا وفقني عرفت اصطاد 10 عصافير ويمامة واتعلمت طبعا حاجات كتير منها الاماكن اللي انزل اصطاد فيها والاماكن اللي منزلش يعني مثلا فيه 7 عصافير اصطادتهم ووقعوا في التين الشوكي ومهما ادور عليهم مش بلاقيهم واليمامة برده
يعني من الاخر رجعت ب 3 عصافير بس بالنسبة لأول طلعة مش وحش قوي قوي وطبعا الحمد لله حمدا كثيرا وده صور العصافير والعلبة