تزفير الكرال الجديدة ...

[ahmedmark777]

رجالة المنتدى العظيم والجميل ده بجد بحس فيه اني قاعد وسط اصحابي

انا كتبت موضوع تعارف في القسم العام وكتير رحبوا بيا وسطكم واحب اعرفكم علي نفسي تاني

لان هتشوفوني كتير معاكوا وفي طالعاتكم لو حبيتوا طبعا وكنت ضيف خفيف عليكم

انا اخوكم احمد نبيل صياد قديم بس تلاهي الحياه نستني التنشين والبنادق والقصص دي كلها

وبعون الله والحمد له اولا واخيرا اني رجعت تاني لهوايتي الحقيقيه اللي بلاقي نفسي فيها فعلا

رحت مكلم الاستاذ محمد ياقوت تاجر جمله موثوق منه في المنتدي واشتريت منه الكرال التركي الدبشك الفيبر الاسود وما شاء الله علي دي بندقيه زي الفل ربنا يبارك لي فيها والله ظبط النشان بتعها بتلات رشات بس وباقي السبعه كلهم في الجون المهم اشتريتها يوم الاحد بس علي ما ظبطها ونزلت ازفرها كان الوقت اتأخر وباقت 6 المغرب وطبعا مفيش حمام هيستنى سعادتي عشان اصتاده ههههههه
المهم نزلت النهارده اول ما رجعت من الشغل وكانت الساعه 3 ونص الظهر وكان توقيت مثالي لاقيت كام سرب حلوين رحت ظابط وضارب وتنزل اول حمامه مقفوله علي بعد 15 متر تقريبا او اقل حاجه بسيطه والتانيه يا جماعه جت تحت جنحها ووصلت لها وزكيتها بسكينه كانت عايشه وبتحاول تقاوم وتجري بس سلمت في الاخر وقبلت وجه كريم والصور مرفقه وطبعا هما حاليا بيتين في الديب فريز متنضفين تنضيفه حلوه ومستنيين يتاكلوا


يا جماعه انا ضربت بالظبط 3 رشات اتنين جم والتالته طارة الحمامه قبل ما توصلها الطلقه بفمتو ثانيه لان ريش منها طار بس من ناحيه الديل متسرقتش عشان محدش يقول اتسرقت انا شايفها بتطير وانا بدوس الزناد