مسدس والتر p38 لاصحاب تراخيص الشراء

[sherothebest]

استاذ تيكا بعد اذنك حضرتك ومتزعلش منى الغلط عندك انت فى المرتين سواء للاستاذ اللى اتفقت معاه ورجعت طلبت تعلية السعر عليه بحجة انك مش صاحب المحل وكذلك للاستاذ اللى ذهب للمحل وتقابل مع زميلك واتفق على البيع معاه لانه فى الحالتين تم الاتفاق على البيع بالفعل سواء منك للاستاذ الاول ومن زميلك للاستاذ الثانى وفى الحالتين المحل مسئول عن اتفاقاتكم دى باعتباركم تابعين له او سماسرة بيع ( الكلام ده كلام القانون مش كلام وخلاص ) لان القاعدة فى القانون ان العقد شريعة المتعاقدين وان " الوعد بالبيع " او البيع بالعربون هو فى جد ذاته عقد ويلزم من يخل باتمام البيع بالتعويض فضلا عن جنحة النصب ان كان لها مقتضى ....... التعامل بالبيع فى السلاح النارى بالذات يجب ان يكون بالمصداقية والالتزام منعا لحدوث كوارث لان انا فعلا لو مكان الاستاذ الثانى اللى دفع عربون بالذات وساب تصريحه هقولك انا ما يلزمنيش التصريح انا عاوز السلاح اللى اتفقنا عليه او لو اتباع تشترى لى واحد زيه على حسابك ..... زى ما انت وزميلك وقعتوا فى الغلط حاول تحل الامور بسلام لان الموضوع لو اتصعد ممكن تتسحب رخصة الاتجار فى السلاح النارى من المحل وممكن تسال فى كلامى ده لو مكنتش مصدق ...... ورغم كل شىء السعر اللى انت عارضه للطبنجة اكثر من رائع لان سعرها الحالى لايقل عن 25000 جنيه ويكفى انها صناعة المانى والماسورة من الصلب الالمانى الغربى القوى ومن اشهر انواع الصلب فى العالم ...... بالتوفيق .