طلعه اليوم 30/8

[aymank2]

تحياتى لكل الاعضاء المحترمين كان مفروض النهارده عندى جرد فى الشركه بس تم الغائه فقررت انى اطلع النهارده وكالعاده ابنى جاسر معايا الطلعه بدأت الساعه 6 صباحا طلعت المره ديه بالجيت مع الرش جامو ماتش الطلعه بدايتها مش ظريفه ساعه ونصف فرد يمام واحد والباقى بيريش او متجيش فيه او يقع بعيد او مكان معرفش اجيبه افتكرت طلعه الاسبوع الى فات كنت مسميها طلعه ارزاق مقسمها الخلاق البندقيه كانت مظبوطه على كل المسافات على اهداف صغيره جربت عليها كتير بس على الحمام واليمام مفيش وكانت الحصيله فرد حمام وفرد يمام وطلعت من ده ان ده رزق من ربنا وتوفيق المهم تلوت بعض الادعيه والايات القرأنيه وظبط البندقيه وبدات الطلعه الفعليه مفيش ترييش والحمام من الدور 14 بيقع مقفول واليمام بقى تمام والدقه بتاعت البندقيه والاسكوب بقت ماشاء الله بختار الحته الى اضرب فيها الصيد وقابلت ا.وليد سعد زغلول صدفه كان بيصطاد ومعاه ابنه عبد الرحمن وكملنا الطلعه مع بعض والحمد لله ربنا كرم الاستاذ وليد 16 يمامه وانا 5حمام و5يمام و 8 فرد معرفناش نجيبهم منهم حمامه كانت عملاقه ضربتها من مسافه كبيره جدا والاستاذ وليد ضاع منه حمامتين غير اليمام اجمالى 34فرد الدرس المستفاد احسان الظن بالله ومشيئته فى الرزق.
اسيبكم مع صور الطلعه الاستاذ وليد كاتب رقم 16بالصيد بتاعه وكاتب رقم عشره بالصيد بتاعى عدد الصيد الى معانا.