التعديلات ألي ما بنسمعش عنها في مصر (متنفذة)

[Karam]

أعضاء المنتدى الكرام

أمبارح أبتديت في تنفيذ التعديلات ألي كنت بتكلم عنها في الموضوع ده:

http://www.egypthunt.net/showthread.php?t=33397

البندقيه بام 22 عتله جانبيه (مستعمله)

أولا أنا فكيت البندقيه علشان أتأكد أن الجلب حالته كويسه و الحمد لله كل الجلب كانت سليمه

فك البندقيه سهل بس تركيبه هيعذبك لو معندكش منجلة لضغط السوسته
أنا معنديش منجله فأتعذبت شويه و بعدين بعد ما ركبتها و جربتها شويه قولت أفكها علشان أعدلها بقى

الصور فيها خطوات فك البندقيه




















بعدين لقيت أن الماسوره مكبوسه في القميص و مش ممكن تطلع منغير ما تبوظ

أنا كنت عاوز أقلل قطر الماسوره و أقصرها

طول الماسوره 50 سم و قطرها الخارجي 17.8 مم
الهدف أني أخلي الطول 40 سم و القطر 14 مم

علشان أقلل الوزن و الطول
و فعلا وديتها عند خراط و كان ربطها على المكنه مشكله كبيره و النتيجه هي أن الماسوره فيها حتت (مكركره) شويه بس مش مشكله لأن ده من بره بس

لون الماسوره ما أتغيرش أثناء الخراطه بفضل التبريد بزيت مخصوص
بعد الخراطه و القص الوزن قل حوالي نص كيلو

و بعدين الجزء المقصوص الزياده جربت عليه الكبس بهدف أني أخنقه و قيست الضغط على المكبس

علشان أوصل للضغط السليم
كنت بضغط و أزق رشه أشوف الماسوره أتخنقت أد أيه و أزود الضغط و هكذا
فاضل أضافه التاج و للأسف ما ينفعش على مخرطه لأنها مش بتطربت صح
لازم يدوي و للأسف مش لاقي العده المناسبه

أنا بدور على حته عده زي ألي في الصوره دي:





كمان شويه هرفع صور للماسوره بعد الخراطه