تهنئه وشكر ونصيحه

[aymank2]

الف الف مبروك للاداره الجديده فرد فرد على راسهم اشرف باشا فوزى وحبيبى عادل عبده الى هيرجع ينور المنتدى ان شاء الله دم جديد وبوجه رساله شكر وتحيه الى الطاقم القديم فرد فرد حاولتم وبذلتم جهدا كبيرا بس ديه سنه الحياه وفى الحقيقه انا واحد من الناس مقدر انكم مش مستفيدين اى شىء ان شاء الله نشوفكم منورين المنتدى دائما
بالنسبه للاداره الجديده انا بقترح بعض الاقتراحات ولكم كل الحق ان تاخذو بهم او ترفضوهم مجرد اقتراحات من صياد عادى/

اولا تعيين القبطان المصرى كمشرف على قسم الصيد البرى و ذالك لاعداد طلعاته المتواليه ولخبرته الواسعه وطريقه سرده لمواضيع الصيد ولانه انسان محترم ويستاهل وكمان لتواجده المستمر على المنتدى على فكره انا عمرى مشفته وهو من الاسكندريه وانا من القاهره

ثانيا اعلان الهيكل الادارى بالكامل للمنتدى يعنى مش عايزين غموض مين المدير ومين اعضاء الاداره وباقى التسلسل

ثالثا فيه حاله مخالفه العضو لاى من القوانين يجب على الادارى ان يرسل مع العقوبه اسبابها وبالتفصيل

رابعا ممنوع على اى عضو ان يعطى زميله اى تقييم سالب وفى حاله انه شايف اى غلط يرسل للاداره مش اى حد عايز ياذى اى حد يخبطه تقييم سالب

بالنسبه لاخوانى الصيادين نحن اخوه وزملاء فى هوايه شريفه فابتعدو عن المنازعات وابتعدو عن المشادات بسب او بدون سبب وليقل احدكم خيرا او ليصمت تعاملو برقى مع بعض حتى لو اختلفتم فالخلاف لا يفسد للود قضيه وبالنسبه للبيع والشراء رحم الله امرء سمحا اذا باع سمحا اذا اشترى
وكما علمنا اهلنا الكرام الى بيحترم بيحترم نفسه فاحترامك للغير يكسبك احترامك لنفسك عن طريق اجبار الاخرين على احترامك شكرا لسعه صدركم