|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
|
أدوات الموضوع | إبحث في الموضوع | انواع عرض الموضوع |
12-10-15, 11:38 AM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
طلعة نص الليل ( طريق الثعبان )
بسم الله
والصلاة والسلام على رسول الله صباح الخير عليكم جميعا قبل كل شىء كنت حاطط كام هدف وباضرب عليهم والزناد علق تقريبا قوة السوسته المفرطه اثرت علي السوست بتاعته رحت لورشة نبيل فتح الله وخليته غيرلى طقم السوست بتاعة الزناد كله والحمد لله بقى تمام اخر النهاربقى وانا قاعد فى الشغل اتصل بيا صديق يسكن منطقه زراعيه نائيه ( هو مالوش فى الصيد ) وبعض السؤال عن صحة بعضنا والاطمئنان قال صديقى لى هو انت لسه بتخرج تصطاد ايوه طبعا انا ماقدرش ابطل صيد طيب ماتجيلى دلوقت نقعد شويه مع بعض وبعدين نخرج نتمشى شويه لو عاوز تصطاد انا اعرف كام شجرة توت كده فى الاراضى الزراعيه وهابقى ارجعك البيت بالعربيه وافقت فورا وقلتله انا هاشحن البطاريه بتاعة الكشاف واجيلك نزلت جرى اشتريت (بوت ) طويل عشان الاماكن دى وقرفها واخطارها  وبالفعل على الساعه 7 ونص كنت عنده وقعدنا شربنا الشاى واتعشينا وفى وسط الكلام قال انا اعرف 7 شجرات توت على طريق واحد لكن فيه مشكله ايه هى؟ الطريق ده او المنطقه دى يسكنها ثعبان ضخم ( حوالى 2 متر وشويه ) فى الاراضى الزراعيه انا تنحت كده وبرقت وكان هايغمى عليا ههههههههههههههههههه قلتله يعنى انت جايبنى من اسكندريه لغاية هنا عشان تودينى لغاية عنده؟ ههههههههههههههههههه يابنى لا متخافش هو مش بيأذى حد طالما محدش بيجى جنبه انا لسه شايفه من حوالى اسبوع وعدى من قدام عينى ومبصليش حتى طيب وازاى الفلاحين سايبينو ومحاولوش يقتلوه لغاية دلوقت ؟ لأن اللى شافه من الناس بيكون لوحده ( رجل واحد يعنى) . وتعبان زى ده عاوز اربع خمس رجاله عشان يقتلوه لا ياعم شكرا مش عاوز اصطاد انا هاسهر معاك شويه واقوم اروح ياجدع متخافش قلتلك هو مش بيهاجم حد ايوه بس احنا بالليل وممكن ندوس عليه لو قابلناه وساعتها طبعا معروف اللى هايحصل خليها عل الله بس ومتخافش وبعد تحايل ورجاء خرجنا وطبعا طول الطريق وانا مش على بعضى ولفينا على الكام شجره دول وربنا كرمنا زائد شجرتين كافور وكل مااسمع صوت خروشه او خربشه فى الزراعه او القش اطلع اجرى هههههههههههههههههههه بس الحمد لله مشفناش تعابين شفنا ضفادع وحرابى (جمع حربايه ) كتير اوى السلاح المستخدم ( كرال ) الرش رمايه والضرب كان على ارتفاعات من 7 الى 20 متر شجرة كافور ودى صوره لجوز يمام صورتهم واقفين جنب بعض  والحمد لله الاتنين جبتهم تفاصيل الرحله 32 رشه تم ضربهم 4 ترييش 3 خطئ فى الاصابه 25 من الضحايا وادى صورهم فى طابور المساء        وكان فيه طيور كتير اوى شكلها غريب بس مكنش بارضى اضربها عشان ماعرفش دى بتتاكل ولا لا ودى حربايه برده صورتها وشوفت منها كتييييييييييييير اوى ( طبعا مضربتهاش )  ودول اربع عصافير جنه كانو واقفين جنب بعض وشكلهم تحفه بس طبعا التصوير بالموبايل مش حلو مع الكشاف بالليل ( طبعا مضرتهمش برده )  وده موضوع انا كنت عامله لطريقة الصيد بالليل http://www.egyhunt.net/showthread.php?t=29886 وارجو ان تنول الطلعه اعجابكم وتحياتى للجميع
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طلعة نص الليل | القبطان المصرى 77 | صور وفيديو الصيد ورحلاته | 19 | 12-06-28 12:30 PM |
| طلعة بعد ارق طول الليل وما فيش نوم | فوزى السيد | صور وفيديو الصيد ورحلاته | 15 | 12-04-17 09:29 PM |
| ذهب الليل ، لكن ... | ahmedmh_ali | الموضوعات العامه | 10 | 11-12-04 03:21 AM |
| 4 طرق لعلاج عضة الثعبان | عبــ الله ــد @ | عيادة المنتدى | 4 | 11-06-03 12:14 PM |
| احذروا هذا المحل | osha966 | محدثات الصوت | 7 | 11-03-06 07:42 PM |
العرض الشجري