طلعه العاصفه فى العبور.

[aymank2]

تحياتى لكل الاعضاء والزملاء اليوم طلعت مع صياد الاسماك المحترم دمث الخلق أ.عمرو جعفر الى قرر انه ينضم الى قناصين الصيد البرى كان طالب منى ارشحله بندقيه مناسبه للصيد والخروج معى للصيد نصحته بالخروج معى والتدريب على ارض الواقع قبل شراء بندقيه وانا و الحمد لله عندى بدل البندقيه اتنين بس طبعا خرجنا ببندقيه واحده حتى يتعلم الاساسيات و كيفيه التعامل مع السلاح اتقابلنا الساعه السادسه صباحا كان عندى بسيارته فى الميعاد بالضبط وصلنا العبور الساعه 6.45 كان الدنيا مغيمه بشكل كبير والهواء كان شديد جدا بداءت بتدريبه فى منطقه صحراويه واذ بسياره قادمه وكلها كانت رجال وسلاح وصحراء هههههههه الحمد لله طلع الاستاذ المحترم القناص اشرف باهى واصدقائه المحترمين وبعد اللقاء الحميم اخدنا جوله فى منطقه المصانع وكان الصيد قليل والرياح شديده الحمام مستخبى فلت منى من شده الريح فردين يمام قمرى واحد لونه ابيض وواحد لون ريشه رائع واخد اللون التركواز مع البنى وبدأت السيول وبدلا من التوقف اتجهنا لمنطقه الفيلل تحت الانشاء وتوقفت الامطار قليلا وبداء اقتناص الفرائص لمده30دقيقه فقط ضرب كله فى الاهدف وبعدين خلاص خلص الفيلم والنور قطع ههههههههه فردت الكاويتش عملتها والكوريك عملها هو كمان والمنطقه مفيهاش الا صوت الرياح العاتيه وبعد محاولات مضنيه عثرنا على كوريك وكانت المفاجئه الاستبن جديد ومرديش يركب اوبا ......بس الشهامه مرحتش من المصريين انسان محترم اخد عمرو ومعاه الاستبن فى مشوار ساعه رايح جاى فضلت مع العربيه وفيها جاسر ابنى وصاحب الكوريك جه وعمل حركه مش لطيفه اصر على اخذ الكوريك ووضع حجاره واخد الكوريك بتاعه رجع عمرو وتم تغير الفرده وكان طبعا وقت الصيد راح وقررنا الرجوع وفى الطريق استطاع عمرو ان يسقط اول فريستين متتالين له الفرد التانى من ضربه ولا اروع قناص بزاويه صعبه جدا وطبعا الضرب باسكوب وده اصعب مع الصياد المبتدء من الضرب اوبن سايد ورغم كل العوائق استمتعنا بالطلعه فى جو مرح وكسبنا قناص جديد الاستاذ عمرو جعفر.
اسف على الاطاله اسيبكم مع الصور.