نادي للرش فكرة جميلة بس الي ينفذ "احلام"

[ehab98]

من زمان و انا بعشق السلاح

لما رحت جراند كافية الي في المعادي اول مرة لقيت ناس دخلت الكافية شايلة بنادق و بعدين طلعوها و قعدوا ينشنوا علي الاهداف الي بتتحدف .. استغربت جدا "و طبعا طلع دة مش في الكافية طلع نادي الرماية الي جامب الكافية"

و قعدت اتفرج عليهم وانا مستمتع و كان احساسي و انا بتفرج عليهم "كابتن كابتن هي البندقية دي بجد"

و بما ان الناس الغلابة الي زي حالاتنا ميعرفوش يطلعوا رخصة سلاح .. و بما ان الناس التانيين الي معاهم رخصة "الي انا بحقد عليهم " عندهم نوادي كتير اشي صيد و اشي رماية و احنا ولاد البطة السودة.

من هنا جاتلي الفكرة لية احنا كمان ما يبقاش عندنا نادي الرش "طبعا اكيد مش هيبقي اسمة كدا لحسن يفكروا ان الاعضاء بتاعتة بتجري ورا عربيات الرش" اكيد هنختار اسم مناسب.

و تصوري للنادي انة يكون فية ارض فضاء مفتوحة و كبيرة .. و تكون مزروعة بالاشجار الجميلة المحببة لليمام و الطيور .. و يتم القاء حبوب في هذة الارض بين الاشجار لجذب الطيور لهذا المكان





و يسمح للاعضاء بالدخول لهاذا المكان و الصيد و لكن ليس بصفة يومية حتي لاتنفر الطيور من المكان و ليكن مثلا مرة كل اسبوع.



و كذلك يوجد في النادي صالات لتعلم الرماية "الرش يعني الي هو بتاعنا"

و يكون في محلات لبيع السلاح و اماكن التصليح .. و اماكن لبيع المستلزمات

و كافيهات و مطاعم لزوم الاعضاء


و بكدة يبقي لقينا لنفسنا مكان ننمي فية هوايتنا .. و نثقلها بالتدريب .. و بكدة نااس كتير مش هتكسل بسبب المشكلة الكبري انها مش لاقية مكان تصطاد فية .. و المبتدئ هيلاقي مكان يتعلم فية ويبدئ منة

يا سلام ممكن يبقي في حاجة زي كدة و الواحد ينزل يصطاد فيها من غير مشاكل او يكسل .. حلم جميل



ابتدت الفكرة تزيد في دمغي اكتر و اكتر .. بس ازاي اقل فدان ارض بكام و علشان تزرعة و الشجر يكبر هياخد كام سنة "دا انا كدة بفكر في نادي للاحفاد"


قعدت افكر طيب ما في مكان مليان شجر علي عينة و ماحدش بيستفيد فية "الحزام الاخضر"



و الحزام الاخضر للي ما يعرفوش هو حزام من الاشجار يحي بالطريق الدائري بعرض 50 متر و بطول تقريبا 33 كم عرض 25 متر علي كل جانب من جوانب الطريق.

لية ما نأجروش من الحكومة .. او جزئ منة علي الاقل و يتم تنفيز جزئ من الفكرة دي و لو بالتدريج علي مرحل.

يا سلام لو يتحقق الموضوع دة يبقي تحفة و هيكون وسيلة لتقارب الاعضاء و توثيق صلاتهم

حلم جميل

معلش طولت عليكم