طلعة الرعب ( اكشن تانى مره ) فيديو

[القبطان المصرى 77]

السلام عليكم ورحمة الله وبركاته
اتمنى يكون الجميع بخير وسلام
سبب اسم الطلعه ( اكشن تانى مره )
هو انى لتانى مره اروح نفس المكان ده اصطاد فيه
وسبب اسم طلعة الرعب هاتعرفوه فى التفاصيل
واخدت معايا
كايداهم طبعا بدون تلسكوب

رش المانى

الكاميرا الديجتال

وفى بداية صيد فى احد الاماكن المقطوعه قابلت حوالى 6 كلاب نونو لسه صغننين وشكلهم زى العسل
بس المشكله انهم كانو فاكرين نفسهم اسود مش كلاب
والــ ايه وعاوزين يخوفونى ويجرو ورايا
ههههههههههههههههههه
انا مصورهم فى اول الفيديو
وبعد شويه بدأت صيد والحمد لله كلو كان ماشى تمام لغاية ساعه او ساعه ونص
وفجأه وانا باصطاد ووقاف تحت شجره لقيت ( توكتوك ) داخل عليا بسرعه جنونيه لدرجة انو كان هايخبطنى لولا انى بعدت عنو شويه
ولقيت اتنين نزلو منو وقاعدين يضحكو ويهزرو وبيقولولى هو انت بتصطاد هنا واحنا مش لاقيين ولا يمامه من الصبح
واتضح انهم صيادين برده واتعرفنا وقعدنا نضحك شويه مع بعض
وكان معاهم بندقيه نوريكا 56
وقالولى تعالى نصطاد مع بعض بدل مانت ماشى لوحدك
وافقت وقلت ماشى
وكان ساعتها فيه يمامه على بعد 20 متر تقريبا ضربتها
وركبنا التوكتوك ومشينا حوالى 500 متر كده ولقينا حوالى 20 فرد حمام واقفين على الارض
وقام نازل منهم واحد بالبندقيه ولسه هايضرب قلتو ده حمام بلدى ياباشا وبتاع ناس ماينفعش نصطاده
قال كبر دماغك هو حد شايف حاجه
وقام ضارب حمامه منهم بس مجتش فيها وفضل الحمام واقف مكانه ومطارش
انا بينى وبين نفسى اتضايقت جدا وحطيت فى دماغى انى اسيبهم وامشى
ولقيت الراجل التانى قاله استنى ماتضربش تانى احسن يطيرو ...نضربهم بالفرد احسن
انا طبعا مفهمتش يعنى ايه الفرد ده
وقام مطلع حاجه ملفوفه بورق جرايد من ورا الكرسى الخلفى
انا استغربت وقلت ياترى ده ايه اللى فى الورقه ده
وكانت الصدمه الكبيره
ان اللى فى الورقه كان حاجه كده زى المسدس لكن طويله شويه وبيحط فيها ظرف خرطوش
قلت لنفسى اكيد هى دى المقروطه اللى باسمع عنها
انا اول ماشفتها قلبى انقبض وعرفت ان الناس دى ممكن يتسببولنا فى مصيبه دلوقت
وانهم ناس مش تمام
قلتلو ياعم بتعمل ايه انتو كده هاتعملولنا مشاكل ومصايب
وكمان فيه بيوت وبرج حمام اهو قريب مننا
ولو حد من الاهالى شافكو وانتو معاكو المصيبه دى ( المقروطه ) اكيد مش هايسيبونا
لقيتهم قعدو يتريقو ويقولولى انت خايف... انت قلبك مش جامد..
رديت وقلت انا لاخايف ولا قلبى ضعيف بس اللى انتو بتعملوه ده يثبت انكو صيادين اى كلام
سلامو عليكو
وقمت سايبهم وماشى
طبعا انا كان نفسى اصور كل اللى حصل ده فيديو
لكن الموقف مكانش يسمح طبعا وممكن يفتكرونى ساعتها انى ممكن ابلغ عنهم بالفيديو ده
ومفيش ثوانى وسمعت ضرب طلقة خرطوش وفهمت انهم يرده ضربو على الحمام
كملت مشى سريع ومابصيتش ورايا لغاية مابعدت خالص عن المنطقه
ونزلت فى عض المناطق الزراعيه كملت صيد
والحمدلله الموقف عدى على خير
التفاصيل
19 رشه تم ضربهم
11 يمامه الحصيله
2 سرقه وترييش
..
فيديو لبعض الضربات
https://www.youtube.com/watch?v=DdHnW-2yWFg
..
الصور




والسلام عليكم ورحمة الله