استفسار بخصوص سكوب بوشنال 4x28

[adel152]

المشاركة الأصلية كتبت بواسطة اف ام

السلام عليكم ورحمه الله ... ... انا لا افقه اى شئ عن الاسكوب .... الاسكوب دا قدامى حاليا بسعر 300 جنيه .....جديد زيرو بوشنال والعلبه مكتوب عليها انو صناعه يابانيه 4x28 بدون اى اضاءه او اى شئ الصليبه فقط الى فيه ... هل سعر 300 كويس؟ ولو مش كويس كم سعره ؟؟ وهل يبانى فعلا ؟ وهل يصلح للكرال ويعنى ايه 4X28 وليه الارقام التانيه بتكون مثلا 3-7*28 حد يترجم وهل القاعده بتاعتو تصلح للكرال ولا هنجيبلو قاعده تانيه ؟ وشكرا لكل اعضاء المنتدى الى هيشاركو بس هههههه ياريت يجماعه الى هيشارك يشرح باستفاضه احكى كل الى فى نفسك

أخى العزيز بعد التحية.
المناظير اما فيها رقمين (4*20) او ثلاثة ارقام (3-9*40) مثلا لأن الأرقام متغيره حسب مواصفات المنظار.
المنظار ابو رقمين مثلا (4*20) او (5*15).....الخ. ده منظار التكبير فيه ثابت بنسبه 4 مرات فى (4*20) وبنسبه 5 مرات فى (5*15). اما الرقم الأخير 20 او 15 ده قطر العدسه الأماميه للمنظار بالمم. بالنسبة للتليسكوب المعروض على حضرتك بيكبر الهدف 4 مرات وحجم العدسة الامامية 28مم.

اما المنظار (3-9*40) 3-9 ممكن تكبير الهدف من 3 الى 9 مرات. اما الرقم 40 ده قطر العدسه الأمامى 40 مم.

كل ما العدسه الأماميه كانت أكبر سمحت لدخول ضؤ (نور) اكتر للمنظار لوضوح الرؤيه والهدف وبذلك تكون الرؤيه أوضح فى التليسكوب (4*20) عن التليسكوب (5*15). ولكن كبر الهدف يكون أكبر 5 أضعاف فى (5*15) وفى (4*20) يكون 4 أضعاف فقط.

مثلا لو قدامك منظارين (3-9*32) و(3-9*40) تكبير الهدف متساوى فى الأثنين لكن الرؤية أوضح فى المنظار الثانى لكبر العدسه الأمامية 8مم.

بالنسبة لموضوع كلمة Japan الموجودة على العلبة فأنا شخصيا أشك أن الاسكوب المعروض فى الصور يكون مصنع فى اليابان (والله وأعلم).
بالنسبة للسعر فى رأيى الشخصى غالى (أفضل لحضرتك تشترى البوشنال 4*32 من عرض المنتدى ب325 جنيه او التاسكو 3-7*28 ب200 جنيه).
بالتوفيق فى أختيارك.
تحياتى.