|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
13-04-14, 08:13 PM
|
#1 |
|
ادمن صفحة المنتدى
تاريخ التسجيل: Dec 2011
المدينه: في بلاد الله الواسعة
المشاركات: 1,581
معدل تقييم المستوى: 141   |
بجد مش لاقي عنوان اكتبة علي الي حصل معايا
ا
السلام عليكم ورحمة الله و بركاتة هحكيلكم موضوع حصل معايا النهاردة علشان ماحدش يحصل معاة نفس الي حصلي كنت رايح اودي والدتي للدكتورة الصبح وماشي في امان الله مفيش اي حاجة وكشفت وركبنا التاكسي مروحين المهم حصل موقف من صاحب التاكسي وهو مرة واحدة التليفون رن لقيت سواء التاكسي بيقول الو ايوة يا ام نور طمنيني البت عاملة اية مالك بتعيطي لية في اية البت حصلها حاجة ولا اية طيب اديني الدكتور بسرعة ادهوني ايوة يادكتور صباح الخير اية يادكتور طمني علي البت مالها متخبيش عليا في اية امال مراتي ام نور بتعيطي لية يادكتور طمني لو البت فيها حاجة قولي ربنا يخليك يادكتور اية محتاج جلسة طيب ماشي اعملها جلسة مفيش مشاكل انا لسة عاملها جلسة من شعر بس البت لسة صغير هتستحمل كذا جلسة ورة بعض لا العفو يادكتور انا مقدرش اتدخل في شغل حضرتك انا اسف معلش لا معرفش هي دي جلسة غير الي كنا عملنا لا معرفش سعرها واول لما الدكتور قالة السعر لقيت سواق التاكسي قعد بقي يخبط علي رجلة وعلي وشة ويعيط وكلم مراتة قالها صلي انتي بس كدا العصر وادعي البت تقوم بالسلامة انا هحاول اتصرف ربنا يكرم وعمال يعيط وطبعا انتو عارفين دمعة الراجل مش سهلة انا بقي قلبي اتقطع من جووايا وبقيت شايل هم اتنين والدتي والبنت الصغيرة بنت سواق التاكسي بدل ما كنت شايل هم والدتي بس المهم رحت متكلم مع السواق الحوار بيني وبينة كان كالأتي : انا : مالك ياباشا في اية بس صلي علي النبي كدا كل حاجة ليها حلها باذن الله السواق: البت بنتي في المستشفي عندها ثقب في القلب وجسمها كلة ازرق انا : ربنا يشفيهالك يارب ويطمنك عليها السواق: الدكتور قالي لازم تعمل جلسة النهاردة اصل في جلسة بتتعمل كل شهر وجلسة كل 4 شهور انا : ربنا يشفيهالك يارب ويطمنك عليها وتفرح بيها السواق: سئلت الدكتور علي تمن الجلسة دي اصل انا اول مرة اعمل الجلسة الي هي كل 4 شهور انا لسة عامل جلسة الي هي كل شهر لكن الي هي كل 4 شهور اول مرة اعملها انا : طيب والدكتور قالك اية خير السواق : قالي علي تمنها وانا مش عارف اعمل اية ... يارب بقي انت العالم بقي بيا يارب انا سواق علي باب ربنا اعمل اية يارب انا: طبعا قلبي كان بيتقطع من جوة وبجد في قمة الحزن لاني مش بحب اشوف حد بيتألم قدامي .. طيب ياباشا كل حاجة هتتحل باذن الله اهدي انت بس كدا علشان تعرف تفكر هتعمل اية وازاي السواق : ممعيش جنية فجيبي مش عارف هجيب 500 جنية منين انا تمن الجلسة استرها يارب والبت تقوم بالسلامة انا : طيب انت ممعكش اي فلوس منهم خالص يعني اي مبلغ منهم تدفعة كدفعة تحت الحساب في المشتفي السواق: ممعيش اي حاجة غير 25 جنية فجيبي كلة انا لسة طالع علي الصبح .... وعمال يعيط ويخبط علي رجلة ومنهاااااااااااار انا : طيب ياباشا اهدي بس كدا وانا والله مش هسيبك غير لما تطمن علي بنتك اهدي بس كدا دخلت والدتي في الكلام : بتقولة طيب يابني طلاما الحالة كدا ممكن تتصل بريهام سعيد برنامج صبايا وتقولها علي حالة بنتك هي بتطلع ناس برة ويتعلجو طلاما بنتك عندها القلب وربنا يطمنك عليها يابني انا : ان شاء الله ياماما خير باذن الله وزي ما قولتك ياباشا مش تقلق والله مش هسيبك غير لما تطمن علي بنتك ( من جوايا كنت فعلا حزين جدا لانو كمان قال البنت عندها سنتين وجسمها كلو ازرق نتيجة لمرض في القلب فكنت متضايق اوي ) المهم جبت العلاج لوالدتي وطلعتها البيت وجبت فلوس من البيت ونزلت مع السواق والدتي قعدت تقولي رايح فين قولتها مش هسيب الراجل الغلبان دا يبقي لوحدة حرام احنا بني ادمين لحم ودم بردو ممكن فيوم من الايام ابني ولا بنتي يكونوا تعبانين كدا وربنا مش يجيب حاجة وحشة ويشفيكي ياحجة ورحت نازل وقافل الباب ركبت التاكسي وقولت للسواق اطلع علي المستشفي السواق : لية يابية قولي في اية وعمال يعيط انا : قولتة ياباشا هخلصلك كل حاجة وبنتك هتعمل الجلسة وهتبقي زي الفل ان شاء الله اهم حاجة انت بس اطمن كدا وباذن الله ربنا كريم مش بيسيب حد وطول ما انت فاكر ربنا عمر ربنا ما ينساك اتوكل علي الله وانا هخلص كل حاجة في المستشفي مش هتدفع جنية السواق: بجد يعني انت هتدفعلي الفلوس وبنتي تعمل الجلسة انا مش عارف اقولك اية ربنا يخليك يارب ربنا يخليك لامك يارب انا : ياباشا مفيش حاجة واحد وبعدين مش تعيط احنا رجالة زي بعض وان شاء الله اهو بنتك هتعمل الجلسة وكلو تمام السواق: يعني انت معاك الفلوس بجد يابية انا : ياباشا سبها علي الله اطلع علي المستشفي ( انا كان معايا الفلوس وواخد زيادة 200 جنية يعني معايا 500 تمن الجلسة + 200 جنية زيادة ) قولت ليطلبو علاج او مصاريق دخول مستشفي او كدا وكنت فرحان جدا اني هعمل عمل خيري لله والمفجــــــــــــــــــــــــــــــــــــــــــــ ـــــــــــــأءة بقي ان الراجل دا المفروض اننا هنطلع علي المستشفي راح داخل في حتة غريبة الشكل وطلع طبنجة وحطها فدماغي وقالي هات كل الفلوس الي معاك طبعا انا كنت في حالة زهول ومش مصدق الي بيحصل دا بجد ولا حلم وخيال قولتة اية الي انت بتعملة دا وانا من جوايا مش مصدق اية دا فعلاااااااااااااااااااااااااااااااااااااااااااااا قالي الفلوس كلها الي معاك طلعها حطها فالعربية وانزل من العربية من سكات قولتة يعني انت تقبل علي بنتك فلوس حرام وبعدين انا كدا كدا رايح معاك علشان ادفع لبنتك فلوس الجلسة واكون معاك ومش اسيبك لحد لما تطمن علي بنتك دا جزاتي يعني اني وقفت جمبك قالي بطل رغي يابن الـ ....... شتيمة بالاب قولتة بص هتشتمني بالاب يبقي تاخد روحي قبل ما تشتمني بأبويا مفيش مخلوق يشتمني بأبويا وهو دا الي حصل معايا النهاردة وسبب كتابتي للموضوع : هو النصيحة لاخواتي في المنتدي والحذر من اي شخص وبجد انا مش مصدق الي حصل دا بعتذر علي الاطالة بالحديث بس كان لازم احكية بالتفصيل وربنا يبعد عنكم اي شررر  .
__________________
لا تحزن اذا لم يتذكرك الناس الا وقت الحاجة ..... بل ابتسم لأنك كالشمعة ان اظلمت حياتهم اسرعوا اليك
|
|
|
|
|
العرض الشجري