طلعة أول أيام العيد

[eng.amg]

المشاركة الأصلية كتبت بواسطة ahmed_aly

ماشاء الله عليك يابشمهندس صيد موفق وصور ولا أحلى من كدة
وفيه سؤال لحضرتك بما إنك تمتلك العظيمة 350 ماجنوم ..أنا لسة بتعلم الصيد والقنص وبفكر اشتريها بس فيه صيادين قالولى انك لسة مبتدئ ومش هتعرف تتعامل معاها وهتتخنق منها بسبب ثقلها ورد فعلها القوى بس بصراحة انا بعشق القوة والدقة وشايف ان البندقية دى تتمتع بالاتنين وفيه كلام سمعته ان البندقية العتلة افضل من الكسر وطبعا الماجنوم كسر فأنا بصراحة محتار ياريت تفيدنى

متشكر لزوق حضرتك.
حرد علي حضرتك بناء علي تجربتي..

350 بحس إنها ناعمة جدا، مجرد تظبط النيشان وتلمس الزناد ببساطة الهدف بينفجر

- بالنسبة لرد الفعل ستشعر به فقط في أول 20 أو 30 ضربة بيها، وبعد كدا حتبقى بالنسبالك زيها زي النوريكا جيت والشادو 1000.

- الوزن أما مش شايف إنه ثقيل، يمكن علشان كان معايا بام 22 بس بالنسبة للنوريكا جيت كانت معايا مش عاملالي مشكلة إطلاقا. ووزنها حوالي 3.5 كجم يعني عادي جدا.

- الدقة حسب التدريب، يعني أنا دربت نفسي علي الإصابة بيها علي 50 م وبعدين 70.. الوقتي حتى 110 م - ودا في أسبوع. وفي طلعة النهاردا للشروق كل إصاباتي علي بعد يتجاوز 60 متر.

- القوة غاشمة، يعني علي 110 متر مؤثرة جدا.

- البنادق العتلة أفضل من الكسر في حاجتين: 1) عدم تنفيس الماسورة الناتج عن الكسر وتآكل الجلبة وبالتالي الماسورة الثابتة أقوى، 2) عدم إنثناء الماسورة نتيجة لتحميل قوة كبيرة عليها في كا مرة تكسر فيها.
وصدقني..الكلام دا لا ينطبق علي ال350 لأنها ببساطة أفضل خامات لبندقية هوائية في العالم.

= نصيحتي، لو بدأت ب 350 حتحترف الإصابه بها في مدة لا تزيد عن شهر، وحتحبها جدا، لأن لن يعصى عليك هدف ولا مسافة إطلاقا. فأي هدف في حجم كلب أو ثعلب يقتل من مسافة 50 متر، وبحجم البط، علي مسافة 70 - 80 متر أو أكثر، وفي حجم الحمام واليمام حتى 100 متر وأكثر.

فقط حتحتاج تلعب حديد شوية لأن كسرة ماسورتها شديدة جدا علشان السوستة قوية، ومش بتلم مع الإستعمال