قانون الأسلحة في مصر هو سبب انتشار السلاح الغير مرخص !!

[جوبا]

السلام عليكم

كنت دائماً أتساءل عن أسباب انتشار السلاح الغير مرخص في مصر ، وتجارة السلاح عاملة زي الهيروين !! عشت في دول كتير قبل كده ، كنا بنخش محلات السلاح من غير أي مشكلة ، لكن في مصر دخولك محل السلاح نفسه شبه ، والناس مجرد ما تسمعك بتتكلم على السلاح كأنك إرهابي علطول !!! في أمريكا مثلا تجارة السلاح ديت من أرقى التجارات ، مفيش حاجة اسمها أسرة في أمريكا معهاش سلاح للحماية ، إضافة لمناطق الأسواق المفتوحة في بعض الولايات الي هيه خارج نطاق السيطرة الفيدرالية والي السلاح بيتباع فيها من غير ترخيص !!!
قبل سنة تقريبا كانوا مستضيفين أحد قيادات الداخلية السابقة المرموقة وكان السؤال كالآتي : إزاي نقدر نسيطر على تجارة السلاح الغير مشروع ؟ وكان الإجابة مفاجئة وهي : فتح باب التراخيص من غير مجاملات ووسايط ومن غير تعسف يضطر البعض بسببه للجوء إلى السوق السوداء وتخفيض سعر السلاح .

حسيت وقتها إن فعلا الرجل دوت بيفهم ، لأني شفت دوت في دول كتير ، لكن في مصر مجرد تقدمك للحصول على رخصة سلاح يبقى كأنك بتفتح على نفسك باب جهنم وتحقيقات أمن الدولة التي لا تنتهي ، وطبعا لن تحصل على الرخصة إلا أن تكون شخصية لها سطوة أو بواسطة مرموقة .

ودوت أحد أسباب الفوضى الحاصلة الآن في سوق السلاح سواء التداول العلني غير المسبوق للسلاح غير المرخص نظرا للظروف من جهة ونظرا للكبت الرهيب .


وشكرا ،،،